ਫਗਵਾੜਾ/ਰਾਏਕੋਟ 28 ਨਵੰਬਰ (ਨਰੇਸ਼ ਪਾਸੀ ਇੰਦਰਜੀਤ ਸ਼ਰਮਾ) ਮੰਦਿਰ ਕੋੜਾ ਖਾਨਦਾਨ ਕਮੇਟੀ ਦੀ ਜਨਰਲ ਬਾਡੀ ਦੀ ਮੀਟਿੰਗ ਚੀਫ਼ ਪੈਟਰਨ ਸ਼੍ਰੀ ਮਨੋਹਰ ਲਾਲ ਕੋੜਾ ਦੀ ਅਗਵਾਈ ਹੇਠ ਰਾਏਕੋਟ ਵਿਖੇ ਵਿੱਕੀ ਕੋੜਾ ਦੇ ਦਫਤਰ ਵਿਖੇ ਹੋਈ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਸ਼੍ਰੀ ਰਕੇਸ਼ ਕੋੜਾ ਨੂੰ ਕਮੇਟੀ ਦਾ ਮੁੜ ਤੋਂ ਪ੍ਰਧਾਨ ਚੁਣਿਆ ਗਿਆ ਅਤੇ ਬਾਕੀ ਦੀ ਕਾਰਜਕਾਰਨੀ ਬਣਾਉਣ ਦੇ ਅਧਿਕਾਰ ਵੀ ਉਹਨਾਂ ਨੂੰ ਦਿੱਤੇ ਗਏ। ਇਸ ਮੌਕੇ ਤੇ ਸਰਬ ਸੰਮਤੀ ਨਾਲ ਫੈਸਲਾ ਲਿਆ ਗਿਆ ਕਿ ਕਮੇਟੀ ਵੱਲੋਂ ਸਲਾਨਾ ਸਮਾਗਮ ਨੂੰ 4 ਫਰਵਰੀ 2024 ਦਿਨ ਐਤਵਾਰ ਨੂੰ ਕਰਵਾਇਆ ਜਾਵੇ। ਇਸ ਮੌਕੇ ਤੇ ਮੰਦਿਰ ਕੋੜਾ ਖਾਨਦਾਨ ਕਮੇਟੀ ਦੇ ਚੀਫ ਪੈਟਰਨ ਸ੍ਰੀ ਮਨੋਹਰ ਲਾਲ ਕੋੜਾ ਦਾ 93ਵਾਂ ਜਨਮਦਿਨ ਕੇਕ ਕੱਟ ਕੇ ਮਨਾਇਆ ਗਿਆ ਅਤੇ ਉਹਨਾਂ ਦੀ ਤੰਦਰੁਸਤੀ ਭਰੀ ਲੰਮੀ ਉਮਰ ਦੀ ਅਰਦਾਸ ਕੀਤੀ ਗਈ। ਇਸ ਮੌਕੇ ਤੇ ਪ੍ਰਧਾਨ ਰਕੇਸ਼ ਕੋੜਾ ਪ੍ਰੋ.ਸੁਸ਼ੀਲ ਕੋੜਾ ਬੂਟਾ ਰਾਮ ਕੋੜਾ ਗੁਲਸ਼ਨ ਕੋੜਾ (ਰਾਏਕੋਟ) ਰਮਨ ਕੋੜਾ ਸੁਸ਼ੀਲ ਕੋੜਾ ਕਮਲਦੀਪ ਕੋੜਾ ਨਵਦੀਪ ਕੋੜਾ ਚੰਦਰਸ਼ੇਖਰ ਕੋੜਾ ਗੁਲਸ਼ਨ ਕੋੜਾ ਵੀਰਪਾਲ ਕੋੜਾ ਸ਼ਿਵ ਕੋੜਾ ਪੱਤਰਕਾਰ ਰਜਿੰਦਰ ਕੋੜਾ ਵਰਿੰਦਰ ਕੋੜਾ ਰਜਨੀਸ਼ ਕੋੜਾ ਵਿਵੇਕ ਕੋੜਾ ਅਤੇ ਸੁਰੇਸ਼ ਕੋੜਾ ਸੰਜੇ ਕੋੜਾ ਸੰਨੀ ਕੋੜਾ (ਹਿਮਾਚਲ ਪ੍ਰਦੇਸ਼) ਆਦਿ ਕੋੜਾ ਖਾਨਦਾਨ ਦੇ ਮੈਂਬਰ ਹਾਜ਼ਰ ਸਨ। ਮੀਟਿੰਗ ਤੋਂ ਬਾਅਦ ਨਵੇਂ ਪ੍ਰਧਾਨ ਰਕੇਸ਼ ਕੋੜਾ ਨੇ ਆਪਣੇ ਸਾਥੀਆਂ ਨਾਲ ਵੱਡੇ ਵਡੇਰਿਆਂ ਮੰਦਰ ਤਲਵੰਡੀ ਰਾਏ (ਰਾਏਕੋਟ) ਮੱਥਾ ਟੇਕਿਆ ਅਤੇ ਉਨ੍ਹਾਂ ਦਾ ਅਸ਼ੀਰਵਾਦ ਲਿਆ।
