ਇਸ ਸਾਲ 13 ਬੇਰੋਜਗਾਰਾਂ ਨੂੰ ਰੋਜਗਾਰ, 13 ਡਾਗ ਸ਼ੈਲਟਰ ਬਣਾ ਕੀਤਾ ਮਾਨਵ ਸੇਵਾ ਦਾ ਕੰਮ
ਕੈੰਪ ਦੌਰਾਨ ਦੋ ਨਸ਼ਾ ਪੀੜਿਤ ਵੀ ਪਹੁੰਚੇ ਅਤੇ ਕਰਵਾਇਆ ਇਲਾਜ਼ ।
ਜਲੰਧਰ (ਵਿੱਕੀ ਸੂਰੀ) : ਤੇਰਾ ਤੇਰਾ ਹੱਟੀ ਨੇ ਆਪਣੇ ਪੰਜ ਸਾਲ ਪੂਰੇ ਹੋਣ ਤੇ ਛੇਵੇਂ ਸਾਲ ਚ ਪ੍ਰਵੇਸ਼ ਕਰਦੇ ਹੋਏ ਸ੍ਰੀ ਸੁਖਮਨੀ ਸਾਹਿਬ ਜੀ ਦਾ ਪਾਠ ਉਪਰੰਤ ਅਰਦਾਸ ਕਰਕੇ ਗੁਰੂ ਸਾਹਿਬ ਦਾ ਸ਼ੁਕਰਾਨਾ ਕਰਦੇ ਹੋਏ 17 ਦਿਸੰਬਰ ਨੂੰ ਇੱਕ ਮੈਡੀਕਲ ਕੈਂਪ ਦਾ ਆਯੋਜਨ ਕੀਤਾ| ਇਸ ਕੈੰਪ ਵਿਚ 29 ਲੋਕਾਂ ਨੇ ਖੂਨਦਾਨ ਕੀਤਾ 200 ਤੋਂ ਵੱਧ ਮਰੀਜਾਂ ਨੇ ਹੱਡੀਆਂ ਦੇ ਡਾਕਟਰ ਨੂੰ ਚੇਕ ਕਰਵਾਇਆ| ਕੈਂਪ ਵਿਚ ਹੋਮਿਓਪੇਥਿਕ, ਫਿਸਿਓਥ੍ਰੇਪੀ ਦੇ ਨਾਲ ਨਾਲ ਖੂਨ ਟੇਸਟ, ਈਸੀਜੀ, ਸੂਗਰ ਅਤੇ ਹੱਡੀਆਂ ‘ਚ ਕੇਲ੍ਸ਼ੀਅਮ ਦੇ ਟੇਸਟ ਵੀ ਮੁਫਤ ਕੀਤੇ ਗਏ| ਇਸ ਦੇ ਨਾਲ ਹੀ ਤੇਰਾ ਤੇਰਾ ਹੱਟੀ ਨੇ 13 ਬੇਰੋਜਗਾਰਾਂ ਨੂੰ ਰੋਜਗਾਰ, 13 ਡਾਗ ਸ਼ੈਲਟਰ ਬਣਾਏ |
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਤੇਰਾ ਤੇਰਾ ਹੱਟੀ ਦੇ ਮੁਖ ਸੇਵਾਦਾਰ ਤਰਵਿੰਦਰ ਸਿੰਘ ਰਿੰਕੂ ਅਤੇ ਸੇਵਾਦਾਰ ਗੁਰਦੀਪ ਸਿੰਘ ਕਾਰਵਾਂ ਨੇ ਦੱਸਿਆ ਕੀ ਐਤਵਾਰ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਚਲੇ ਇਸ ਕੈਂਪ ਵਿਚ ਇਸ ਸਾਲ ਬੇਰੋਜ਼ਗਾਰਾਂ ਨੂੰ ਰੋਜ਼ਗਾਰ ਮੁਹਈਆ ਕਰਵਾਉਣ ਦੇ ਮਕਸਦ ਨਾਲ 13 ਰੇਹੜੀਆਂ ਬਣਾਈਆ ਗਈਆਂ। ਜਿਸ ‘ਚ ਦੋ ਰੇਹੜੀਆਂ ਤਿਆਰ ਕਰਵਾ ਲਈਆਂ ਅਤੇ ਹਰ ਮਹੀਨੇ ਇਕ ਰੇਹੜੀ ਤਿਆਰ ਕਾਰਵਾਈ ਜਾਏਗੀ। ਇਸ ਦਾ ਨਾਲ ਨਾਲ ਦਿਸੰਬਰ, ਜਨਵਰੀ ਅਤੇ ਫਰਵਰੀ ਮਹੀਨੇ ਵਿੱਚ ਵੱਧ ਰਹੀ ਠੰਡ ਦੇ ਪ੍ਰਕੋਪ ਨੂੰ ਦੇਖਦੇ ਹੋਏ 13 Dog Shelter ਤਿਆਰ ਕਰਵਾਏ ਹਨ। ਜਿਸ ਦੀ ਇੰਸਟਾਲੇਸ਼ਨ ਕੱਲ ਤੋਂ ਸ਼ੁਰੂ ਕੀਤੀ ਜਾਏਗੀ।
ਇਸ ਕੈਂਪ ਵਿਚ KMH ਹਸਪਤਾਲ ਨਾਲ ਮਿਲ ਕੇ ਖੂਨਦਾਨ ਕੈਂਪ ਦਾ ਆਯੋਜਨ ਵੀ ਕੀਤਾ ਗਿਆ, ਜਿਸ ਚ 30 ਦੇ ਕਰੀਬ ਖੂਨਦਾਨੀਆਂ ਨੇ ਖੂਨਦਾਨ ਕੀਤਾ| ਇਸ ਕੈਂਪ ਵਿਚ Manveer Singh ਨੇ 50 ਤੋਂ ਵੱਧ ਮਰੀਜਾਂ ਦੀ ਮੁਫ਼ਤ ਫਿਜ਼ਿਓਥਰੈਪੀ ਕੀਤੀ ਅਤੇ ਨਾਲ ਹੀ ਡਾਕਟਰ ਸੀਮਾ ਅਰੋੜਾ ਨੇ 100 ਦੇ ਕਰੀਬ ਮਰੀਜਾਂ ਦਾ ਹੋਮੀਓਪੈਥਿਕ ਤਰੀਕਾ ਨਾਲ ਮੁਫ਼ਤ ਇਲਾਜ ਕੀਤਾ।ਇਹੀ ਨਹੀਂ ਇਸ ਕੈਂਪ ਵਿਚ Seth Hi Tech Laboratory ਦੇ ਸਹਿਯੋਗ ਨਾਲ Sugar, blood ਅਤੇ ECG ਮੁਫ਼ਤ ਕੀਤੀ ਗਈ।
ਇਸ ਕੈਂਪ ਵਿਚ Guardian Hospital ਦੇ ਹੱਡੀਆਂ ਦੇ ਮਾਹਿਰ ਡਾਕਟਰ ਸੰਜੀਵ ਗੋਇਲ ਨੇ 200 ਤੋਂ ਵੱਧ ਮਰੀਜਾਂ ਦਾ ਚੇਕਅਪ ਕੀਤਾ। ਉਹਨਾ ਇਹ ਵੀ ਦੱਸਿਆ ਕੀ ਕੈਂਪ ਦੌਰਾਨ ਉਹਨਾਂ ਕੋਲ ਦੋ ਨਸ਼ੇ ਦੇ ਮਰੀਜ ਵੀ ਆਏ, ਜਿਨ੍ਹਾਂ ਚ ਇਕ ਮਰੀਜ ਕੁਝ ਦਿਨ ਪਹਿਲਾਂ ਨਸ਼ਾ ਛੱਡ ਚੱਕਿਆ ਸੀ ਅਤੇ ਇਕ ਮਰੀਜ ਚਾਹੁੰਦਾ ਸੀ ਉਹ ਨਸ਼ਾ ਛਡਣਾ ਚਾਹੁੰਦਾ ਹੈ| ਇਸ ਮੌਕੇ ਡਾਕਟਰ ਸੰਜੀਵ ਗੋਇਲ ਨੇ ਦਸਿਆ ਕੀ ਤੇਰਾ ਤੇਰਾ ਹੱਟੀ ਵਲੋਂ ਕੀਤੇ ਗਾਏ ਇਸ ਉਪਰਾਲੇ ਨਾਲ ਮਰੀਜਾਂ ਨੂੰ ਕਾਫੀ ਫਾਇਦਾ ਹੁੰਦਾ ਹੈ|
ਤੇਰਾ ਤੇਰਾ ਹੱਟੀ ਦੇ ਇਸ ਮਹਾਨ ਕਾਰਜ ਦੇ ਵਿੱਚ ਜਲੰਧਰ ਦੇ ਸੰਸਦ ਸੁਸ਼ੀਲ ਰਿੰਕੂ ਅਤੇ ਜਲੰਧਰ ਵੈਸਟ ਤੋਂ ਵਿਧਾਇਕ ਸ਼ੀਤਲ ਅੰਗੁਰਾਲ ਨੇ ਤੇਰਾ ਤੇਰਾ ਹੱਟੀ ਦੇ ਪੰਜ ਸਾਲਾਂ ਦੀ ਸੇਵਾ ਅਤੇ ਸ਼ਹਿਰ ਚ ਪਾਏ ਯੋਗਦਾਨ ਦੀ ਸ਼ਲਾਘਾ ਕੀਤੀ।
ਇਸ ਮੌਕੇ ਤੇ ਸਾਬਕਾ ਸੀਨੀਅਰ ਡਿਪਟੀ ਮੇਅਰ ਕਮਲਜੀਤ ਸਿੰਘ ਭਾਟੀਆ,ਕੌਂਸਲਰ ਚੰਦਰਜੀਤ ਕੌਰ ਸੰਧਾ, ਐਡੋਕੇਟ ਅਮਿਤ ਸਿੰਘ ਸੰਧਾ,ਸੌਰਭ ਸੇਠ,ਇੰਦਰਜੀਤ ਸਿੰਘ ਬਾਜਵਾ, ਸਾਬਕਾ ਕੌਂਸਲਰ ਮਨਜੀਤ ਸਿੰਘ ਟੀਟੂ,ਮੈਡਮ ਕਿਰਨ ਨਾਗਪਾਲ ਅਤੇ ਸ਼ਹਿਰ ਦੇ ਹੋਰ ਰਾਜਨੀਤਕ ਅਤੇ ਧਾਰਮਿਕ ਪਤਵੰਤੇ ਸਜੱਣ ਪਹੁੰਚੇ।
ਦੱਸਣਯੋਗ ਹੈ ਕਿ ਗੁਰੂ ਨਾਨਕ ਦੇਵ ਜੀ ਦੇ ਉਪਦੇਸ਼ਾਂ ਨੂੰ ਲੈ ਕੇ ਪੰਜ ਸਾਲ ਪਹਿਲਾਂ ਸ਼ੁਰੂ ਹੋਈ ਤੇਰਾ ਤੇਰਾ ਹੱਟੀ ਦੀ ਜਦੋਂ ਸ਼ੁਰੂਆਤ ਕੀਤੀ ਗਈ ਸੀ ਤਾਂ ਛੇ ਮੈਂਬਰਾਂ ਨਾਲ ਕੀਤੀ ਗਈ ਸੀ ਤੇ ਹੁਣ 600 ਤੋਂ ਵੱਧ ਮੈਂਬਰ ਇਸ ਨਾਲ ਜੁੜ ਚੁੱਕੇ ਹਨ ਅਤੇ ਲਗਾਤਾਰ ਸੇਵਾ ਭਲਾਈ ਦੇ ਕੰਮ ਕਰ ਰਹੇ ਹਨ,
ਇਸ ਮੌਕੇ ਤੇਰਾ ਤੇਰਾ ਹੱਟੀ ਦੇ ਸੇਵਾਦਾਰ ਗੁਰਦੀਪ ਸਿੰਘ ਕਾਰਵਾਂ, ਪਰਮਜੀਤ ਸਿੰਘ ਰੰਗਪੁਰੀ, ਅਮਰਪ੍ਰੀਤ ਸਿੰਘ, ਜਸਵਿੰਦਰ ਸਿੰਘ ਬਵੇਜਾ, ਜਤਿੰਦਰ ਸਿੰਘ ਕਪੂਰ, ਸੰਜੀਵ ਸ਼ਰਮਾ,ਪਰਵਿੰਦਰ ਸਿੰਘ,ਗੁਰਵਿੰਦਰ ਕੌਰ, ਸਵਨੀਤ ਕੌਰ, ਮਨਦੀਪ ਕੌਰ,ਅਮਰਜੀਤ ਕੌਰ ਅਮਨਦੀਪ ਸਿੰਘ, ਜਸਵਿੰਦਰ ਸਿੰਘ, ਵਰਿੰਦਰ ਸਿੰਘ, ਲਖਵਿੰਦਰ ਸਿੰਘ, ਅਰਸ਼ਦੀਪ ਸਿੰਘ, ਵਿਜੈ ਕੁਮਾਰ, ਅਮਨਦੀਪ ਸਿੰਘ ਗੁਲਾਟੀ ਅਤੇ ਹੋਰ ਮੌਜੂਦ ਸਨ।