ਟੈਕਨੋਲੋਜੀ ਨੇ ਜਿੱਥੇ ਸਾਡੀ ਜ਼ਿੰਦਗੀ ਨੂੰ ਆਸਾਨ ਬਣਾਇਆ ਹੈ, ਉੱਥੇ ਹੀ ਇਸ ਦੀ ਵਰਤੋਂ ਹੁਣ ਵਿਆਪਕ ਹੋ ਗਈ ਹੈ। ਅੱਜ-ਕੱਲ੍ਹ ਟ੍ਰੈਫਿਕ ਪੁਲਿਸ ਦੇ ਚਲਾਨ ਤੋਂ ਬਚਣ ਲਈ ਵੀ ਇਸ ਦੀ ਵਰਤੋਂ ਹੋ ਰਹੀ ਹੈ। ਟ੍ਰੈਫਿਕ ਪੁਲਿਸ ਸੜਕਾਂ ‘ਤੇ ਆਵਾਜਾਈ ਨੂੰ ਨਿਯਮਤ ਕਰਨ ਲਈ ਵੱਖ-ਵੱਖ ਥਾਵਾਂ ‘ਤੇ ਚੌਕਸ ਰਹਿੰਦੀ ਹੈ ਅਤੇ ਨਿਯਮਾਂ ਦੀ ਪਾਲਣਾ ਨਾ ਕਰਨ ‘ਤੇ ਚਲਾਨ ਵੀ ਕੱਟਦੀ ਹੈ। ਪਰ ਲੋਕ ਸੜਕਾਂ ‘ਤੇ ਚਲਾਨ ਕੱਟਣ ਤੋਂ ਬਚਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਹੱਥਕੰਡੇ ਵਰਤਦੇ ਹਨ। ਹੁਣ ਲੋਕ ਹਾਈ-ਟੈਕ ਟਰਿੱਕ ਵਰਤ ਰਹੇ ਹਨ।ਦਰਅਸਲ, ਪ੍ਰਸਿੱਧ ਨੇਵੀਗੇਸ਼ਨ ਐਪ ‘ਗੂਗਲ ਮੈਪਸ’ (Google Maps) ਡਰਾਈਵਰਾਂ ਨੂੰ ਪੁਲਿਸ ਚੌਕੀ ਜਾਂ ਪੁਲਿਸ ਚੌਕਸੀ ਬਾਰੇ ਚਿਤਾਵਨੀ ਦਿੰਦੀ ਹੈ ਅਤੇ ਡਰਾਈਵਰ ਚਲਾਨ ਤੋਂ ਬਚਣ ਲਈ ਆਪਣਾ ਰਸਤਾ ਬਦਲ ਲੈਂਦੇ ਹਨ।ਹਾਲ ਹੀ ‘ਚ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ‘ਗੂਗਲ ਮੈਪ’ (Google Maps) ਦੇ ਸਕਰੀਨ ਸ਼ਾਟ ਨੇ ਇਸ ਸਬੰਧੀ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਗੂਗਲ ਮੈਪ (Google Maps) ‘ਚ ਚੇਨਈ ਦੇ ਕਈ ਇਲਾਕਿਆਂ ‘ਚ ਪੁਲਿਸ ਚੌਕੀਆਂ ਨੂੰ ਨਿਸ਼ਾਨਬੱਧ ਕੀਤਾ ਗਿਆ ਹੈ।ਇਹ ਉਪਭੋਗਤਾਵਾਂ ਨੂੰ ਪੁਲਿਸ ਦੀ ਮੌਜੂਦਗੀ ਬਾਰੇ ਚਿਤਾਵਨੀ ਦਿੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਵਾਹਨ ਚਾਲਕ ਚਲਾਨ ਤੋਂ ਬਚਣ ਲਈ ਜਾਂ ਤਾਂ ਆਪਣਾ ਰਸਤਾ ਬਦਲ ਲੈਂਦੇ ਹਨ ਜਾਂ ਇਸ ਥਾਂ ਤੋਂ ਲੰਘਣ ਸਮੇਂ ਹੈਲਮੇਟ ਪਹਿਨਦੇ ਹਨ। ਚੇਨਈ ਵਿੱਚ ਫੀਨਿਕਸ ਮਾਲ ਦੇ ਨੇੜੇ ਇੱਕ ਜਗ੍ਹਾ ਦਾ ਨਾਮ ‘ਪੁਲਿਸ ਇਰੁਪੰਗਾ ਹੈਲਮੇਟ ਪੋਡੂੰਗੋ (ਇਹ ਪੁਲਿਸ ਹੈ, ਹੈਲਮੇਟ ਪਹਿਨੋ)’ ਰੱਖਿਆ ਗਿਆ ਹੈ।
ਚਲਾਨ ਤੋਂ ਬਚਣ ਲਈ ਹਾਈ-ਟੈਕ ਚਾਲ
ਹਾਲ ਹੀ ‘ਚ ਸੰਤੋਸ਼ ਸਿਵਨ ਨਾਂ ਦੇ ਯੂਜ਼ਰ ਨੇ ਐਕਸ (X) ‘ਤੇ ਚੇਨਈ ਦੇ ਫੀਨਿਕਸ ਮਾਲ (Phoneix Mall) ਦੇ ਕੋਲ ਗੂਗਲ ਮੈਪ (Google Maps) ਦਾ ਸਕ੍ਰੀਨਸ਼ੌਟ ਸ਼ੇਅਰ ਕੀਤਾ ਹੈ। ਇਸ ਨੂੰ 3.35 ਲੱਖ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ। ਕਈ ਯੂਜ਼ਰਸ ਨੇ ਚਲਾਨ ਤੋਂ ਬਚਣ ਲਈ ਇਸ ਹਾਈਟੈਕ ਟ੍ਰਿਕ ‘ਤੇ ਮਜ਼ਾਕੀਆ ਪ੍ਰਤੀਕਿਰਿਆ ਦਿੱਤੀ।
ਬੇਂਗਲੁਰੂ ਵਿੱਚ ਵੀ ਸਾਹਮਣੇ ਆਏ ਹਨ ਅਜਿਹੇ ਮਾਮਲੇ
ਧਿਆਨ ਯੋਗ ਹੈ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਕਿਸੇ ਨੇ ਟ੍ਰੈਫਿਕ ਪੁਲਿਸ ਤੋਂ ਬਚਣ ਲਈ ‘ਗੂਗਲ ਮੈਪ’ (Google Maps) ਦੀ ਵਰਤੋਂ ਕੀਤੀ ਹੋਵੇ। ਹਾਲ ਹੀ ਵਿੱਚ, ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ ਤੋਂ ਵੀ ਅਜਿਹਾ ਹੀ ਇੱਕ ਨਕਸ਼ੇ ਦਾ ਸਕ੍ਰੀਨਸ਼ੌਟ ਵਾਇਰਲ ਹੋਇਆ ਸੀ। ਗੂਗਲ ਮੈਪ (Google Maps) ‘ਤੇ ਬੈਂਗਲੁਰੂ ਦੀ ਇਕ ਜਗ੍ਹਾ ‘ਇੱਧਰ ਪੁਲਿਸ ਹੋਵੇਗੀ ਦੇਖੋ ਅਤੇ ਨਿਕਲ ਜਾਓ’ ਦੇ ਨਾਮ ਨਾਲ ਮਾਰਕ ਕੀਤੀ ਗਈ ਸੀ।