ਕੈਨੇਡਾ ਦੇ ਸਭ ਤੋਂ ਬਹੁਮੁਖੀ ਅਤੇ ਪ੍ਰਤਿਭਾਸ਼ਾਲੀ ਅਦਾਕਾਰਾਂ ਵਿੱਚੋਂ ਇੱਕ ਡੋਨਾਲਡ ਸਦਰਲੈਂਡ ਦਾ 88 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ ‘MASH’, ‘Klute’, ‘Ordinary People’ ਅਤੇ ‘Hunger Games’ ਵਰਗੀਆਂ ਫਿਲਮਾਂ ‘ਚ ਕੰਮ ਕੀਤਾ। ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਸਮੇਤ ਹਾਲੀਵੁੱਡ ਅਤੇ ਦੁਨੀਆ ਨੂੰ ਪ੍ਰਭਾਵਿਤ ਕੀਤਾ। ਡੋਨਾਲਡ ਦਾ ਫਿਲਮੀ ਕਰੀਅਰ 1960 ਤੋਂ 2020 ਤੱਕ ਚੱਲਿਆ। ਵੀਰਵਾਰ ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦੇ ਬੇਟੇ ਅਤੇ ਅਭਿਨੇਤਾ ਕੀਫਰ ਸਦਰਲੈਂਡ ਨੇ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਅਤੇ ਇਕ ਨੋਟ ਵੀ ਲਿਖਿਆ।ਕੀਫਰ ਸਦਰਲੈਂਡ ਨੇ ਲਿਖਿਆ, “ਭਾਰੇ ਦਿਲ ਨਾਲ, ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਮੇਰੇ ਪਿਤਾ, ਡੋਨਾਲਡ ਸਦਰਲੈਂਡ ਦਾ ਦੇਹਾਂਤ ਹੋ ਗਿਆ ਹੈ। ਮੈਂ ਨਿੱਜੀ ਤੌਰ ‘ਤੇ ਉਨ੍ਹਾਂ ਨੂੰ ਫਿਲਮ ਦੇ ਇਤਿਹਾਸ ਦੇ ਸਭ ਤੋਂ ਖਾਸ ਅਤੇ ਜ਼ਰੂਰੀ ਕਲਾਕਾਰਾਂ ਵਿੱਚੋਂ ਇੱਕ ਮੰਨਦਾ ਹਾਂ। ਉਹ ਕਦੇ ਵੀ ਕਿਸੇ ਵੀ ਰੋਲ ਤੋਂ ਨਹੀਂ ਘਬਰਾਏ।
ਕੀਫਰ ਸੁਡਲੈਂਡ ਨੇ ਅੱਗੇ ਲਿਖਿਆ, “ਉਨ੍ਹਾਂ ਨੇ ਜੋ ਵੀ ਕੰਮ ਕੀਤਾ ਉਸਨੂੰ ਪਿਆਰ ਕੀਤਾ, ਅਤੇ ਕੋਈ ਵੀ ਇਸ ਤੋਂ ਵੱਧ ਕਦੇ ਨਹੀਂ ਮੰਗ ਸਕਦਾ ਸੀ।” ਕੀਫਰ ਦੀ ਇਸ ਪੋਸਟ ‘ਤੇ ਪ੍ਰਸ਼ੰਸਕ ਪ੍ਰਤੀਕਿਰਿਆ ਦੇ ਰਹੇ ਹਨ। ਉਹ ਮਰਹੂਮ ਸੁਪਰਸਟਾਰ ਡੋਨਾਲਡ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ।ਡੋਨਾਲਡ ਸਦਰਲੈਂਡ ਦੀ ਭਾਰੀ ਆਵਾਜ਼, ਤਿੱਖੀਆਂ ਨੀਲੀਆਂ ਅੱਖਾਂ, ਉੱਚੇ ਕੱਦ ਅਤੇ ਸ਼ਰਾਰਤੀ ਮੁਸਕਰਾਹਟ ਵੱਲ ਹਰ ਕੋਈ ਆਕਰਸ਼ਿਤ ਸੀ। ਉਨ੍ਹਾਂ ਨੇ ਜੇਨ ਫੋਂਡਾ ਅਤੇ ਜੂਲੀ ਕ੍ਰਿਸਟੀ ਵਰਗੀਆਂ ਮਹਾਨ ਅਭਿਨੇਤਰੀਆਂ ਨਾਲ ਰੋਮਾਂਟਿਕ ਮੁੱਖ ਭੂਮਿਕਾਵਾਂ ਵੀ ਨਿਭਾਈਆਂ। 1960 ਦੇ ਦਹਾਕੇ ਵਿੱਚ ਸ਼ੁਰੂ ਹੋਏ ਆਪਣੇ ਕਰੀਅਰ ਦੌਰਾਨ, ਉਨ੍ਹਾਂ ਨੇ ਕਈ ਅਜੀਬ ਅਤੇ ਖਲਨਾਇਕ ਕਿਰਦਾਰ ਨਿਭਾਏ।ਡੋਨਾਲਡ ਸਦਰਲੈਂਡ 1970 ਦੇ ਦਹਾਕੇ ਵਿੱਚ ਹਾਲੀਵੁੱਡ ਦੇ ਸਭ ਤੋਂ ਵੱਡੇ ਅਦਾਕਾਰਾਂ ਵਿੱਚੋਂ ਇੱਕ ਸਨ। 80 ਦੇ ਦਹਾਕੇ ਤੱਕ, ਉਹ ਫਿਲਮ ਅਤੇ ਟੀਵੀ ਪ੍ਰੋਜੈਕਟ ਲਈ ਸਭ ਤੋਂ ਵੱਧ ਮੰਗ ਵਾਲਾ ਅਭਿਨੇਤਾ ਸੀ। ਉਹ ਆਪਣੀ ਮਜ਼ਬੂਤ ਦਿੱਖ ਅਤੇ ਸ਼ਖਸੀਅਤ ਕਾਰਨ ਹਰ ਕਿਸੇ ਦਾ ਚਹੇਤਾ ਸਨ। ਇਸ ਤੋਂ ਵੀ ਖਾਸ ਉਨ੍ਹਾਂ ਦੀ ਅਦਾਕਾਰੀ ਸੀ। ਉਹ ਬਹੁਮੁਖੀ ਪ੍ਰਤਿਭਾ ਨਾਲ ਭਰਪੂਰ ਸੀ।