ਇੱਕ ਪਾਸੇ ਰਾਜਸਥਾਨ ਦੇ ਮੇਵਾਤ ਵਿੱਚ ਸਾਈਬਰ ਠੱਗਾਂ ਦੀ ਕਮਰ ਤੋੜਨ ਲਈ ਪੁਲਿਸ ਦਾ ਆਪਰੇਸ਼ਨ ਐਂਟੀ ਵਾਇਰਸ ਜਾਰੀ ਹੈ। ਦੂਜੇ ਪਾਸੇ ਸਾਈਬਰ ਠੱਗਾਂ ਨੇ ਠੱਗੀ ਮਾਰਨ ਦਾ ਨਵਾਂ ਤਰੀਕਾ ਅਪਣਾਇਆ ਹੈ। ਹੁਣ ਸਾਈਬਰ ਠੱਗ ਸੋਸ਼ਲ ਮੀਡੀਆ ‘ਤੇ ਇਸ਼ਤਿਹਾਰ ਦੇ ਕੇ ਠੱਗੀ ਮਾਰ ਰਹੇ ਹਨ।
ਇੱਕ ਇਸ਼ਤਿਹਾਰ ਦੇ ਵੀਡੀਓ ਵਿਚ ਔਰਤ ਉਸ ਨੂੰ ਗਰਭਵਤੀ ਬਣਾਉਣ ਦੇ ਬਦਲੇ 25 ਤੋਂ 35 ਲੱਖ ਰੁਪਏ ਦੇਣ ਦਾ ਵਾਅਦਾ ਕਰ ਰਹੀ ਹੈ। ਪੁਲਿਸ ਨੂੰ ਫੜੇ ਗਏ ਠੱਗ ਦੇ ਮੋਬਾਈਲ ਫੋਨ ਤੋਂ ਇਸ਼ਤਿਹਾਰ ਦੀ ਵੀਡੀਓ ਮਿਲੀ ਹੈ। ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਸਾਈਬਰ ਠੱਗ ਡੇਟਿੰਗ ਸਾਈਟਾਂ ਤੋਂ ਡਾਟਾ ਚੋਰੀ ਕਰਕੇ ਅਜਿਹੇ ਇਸ਼ਤਿਹਾਰਾਂ ਰਾਹੀਂ ਠੱਗੀ ਮਾਰ ਰਹੇ ਸਨ। ਹੁਣ ਤੱਕ 20 ਲੋਕ ਇਸ ਤਰ੍ਹਾਂ ਦੀ ਧੋਖਾਧੜੀ ਦਾ ਸ਼ਿਕਾਰ ਹੋ ਚੁੱਕੇ ਹਨ।
https://www.facebook.com/61555955221332/videos/1522076711697837/?ref=embed_video&t=19
ਮੈਨੂੰ ਗਰਭਵਤੀ ਕਰੋ ਅਤੇ 35 ਲੱਖ ਰੁਪਏ ਲੈ ਜਾਓ…’ ਭਰਤਪੁਰ ਪੁਲਿਸ ਨੂੰ ਨਾਬਾਲਗ ਦੇ ਫ਼ੋਨ ਤੋਂ ਮਿਲੀ ਔਰਤ ਦੀ ਇਹ ਵੀਡੀਓ
ਪੁਲਿਸ ਪੁੱਛਗਿੱਛ ਵਿੱਚ ਸਾਹਮਣੇ ਆਇਆ ਕਿ ਮੇਵਾਤ ਵਿੱਚ ਸਾਈਬਰ ਠੱਗਾਂ ਵੱਲੋਂ ਠੱਗੀ ਮਾਰਨ ਦਾ ਇਹ ਨਵਾਂ ਤਰੀਕਾ ਹੈ। ਸੋਸ਼ਲ ਮੀਡੀਆ ‘ਤੇ ਅਜਿਹੀਆਂ ਵੀਡੀਓਜ਼ ਜਾਰੀ ਕਰਕੇ ਲੋਕਾਂ ਨਾਲ ਧੋਖਾ ਕੀਤਾ ਜਾ ਰਿਹਾ ਹੈ। ਰਜਿਸਟ੍ਰੇਸ਼ਨ ਦੇ ਨਾਂ ‘ਤੇ ਵਸੂਲੀ ਕੀਤੀ ਜਾ ਰਹੀ ਹੈ।
ਫੋਟੋ ਅਤੇ ਆਧਾਰ ਕਾਰਡ ਲੈ ਕੇ ਬਲੈਕਮੇਲ ਕੀਤਾ ਜਾ ਰਿਹਾ ਹੈ। ਭਰਤਪੁਰ ਪੁਲਿਸ ਨੇ ਇਕ ਸਾਈਬਰ ਠੱਗ ਦੇ ਮੋਬਾਈਲ ਫ਼ੋਨ ਤੋਂ ਇਕ ਆਡੀਓ ਵੀ ਬਰਾਮਦ ਕੀਤਾ ਹੈ। ਇਹ ਧੋਖੇਬਾਜ਼ ਚੁਣੇ ਹੋਏ ਲੋਕਾਂ ਦੇ ਮੋਬਾਈਲ ਫੋਨਾਂ ‘ਤੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਭੇਜ ਕੇ ਪੇਸ਼ਕਸ਼ ਕਰਦੇ ਹਨ ਕਿ ਜੇਕਰ ਉਹ ਗਰਭਵਤੀ ਹੋ ਜਾਂਦੀ ਹੈ ਤਾਂ ਉਨ੍ਹਾਂ ਨੂੰ ਪੈਸੇ ਮਿਲ ਜਾਣਗੇ ਪਰ ਇਸ ਲਈ ਉਨ੍ਹਾਂ ਨੂੰ ਰਜਿਸਟਰੇਸ਼ਨ ਕਰਵਾਉਣੀ ਪਵੇਗੀ ਅਤੇ ਰਜਿਸਟ੍ਰੇਸ਼ਨ ਫੀਸ ਦੇਣੀ ਪਵੇਗੀ। ਫਿਰ ਔਰਤ ਦਾ ਮੋਬਾਈਲ ਨੰਬਰ ਦਿੱਤਾ ਜਾਵੇਗਾ।ਵਾਇਰਲ ਆਡੀਓ ਵਿਚ ਸਾਈਬਰ ਠੱਗ ਕਹਿ ਰਹੇ ਹਨ ਕਿ ਜੇਕਰ ਤੁਸੀਂ ਗਰਭਵਤੀ ਕਰੋਗੇ ਤਾਂ ਤੁਹਾਨੂੰ 25 ਲੱਖ, ਗਰਭ ਅਵਸਥਾ ਤੋਂ ਪਹਿਲਾਂ 5 ਲੱਖ ਅਤੇ ਬਾਅਦ ਵਿੱਚ 20 ਲੱਖ ਮਿਲਣਗੇ, ਪਰ ਪਹਿਲਾਂ ਤੁਹਾਨੂੰ ਰਜਿਸਟ੍ਰੇਸ਼ਨ ਕਰਾਉਣਾ ਹੋਵੇਗਾ ਅਤੇ ਫੀਸ ਅਦਾ ਕਰਨੀ ਹੋਵੇਗੀ। ਭਰਤਪੁਰ ਪੁਲਿਸ ਦੀ ਜਾਂਚ ‘ਚ ਸਾਹਮਣੇ ਆਇਆ ਹੈ ਕਿ ਹੁਣ ਤੱਕ ਸਾਈਬਰ ਠੱਗ 20 ਲੋਕਾਂ ਨੂੰ ਇਸ ਤਰੀਕੇ ਨਾਲ ਠੱਗ ਚੁੱਕੇ ਹਨ। ਇਹ ਅੰਕੜਾ ਜ਼ਿਆਦਾ ਹੋ ਸਕਦਾ ਹੈ। ਦਰਅਸਲ, ਧੋਖੇਬਾਜ਼ ਪਹਿਲਾਂ ਡੇਟਿੰਗ ਸਾਈਟ ਤੋਂ ਡੇਟਾ ਚੋਰੀ ਕਰਦੇ ਹਨ, ਫਿਰ ਇਸ ਡੇਟਾ ਦੇ ਅਧਾਰ ‘ਤੇ ਨਿਸ਼ਾਨਾ ਚੁਣਦੇ ਹਨ। ਫਿਰ ਵੀਡੀਓ ਨੂੰ ਚੁਣੇ ਹੋਏ ਨੰਬਰ ‘ਤੇ ਭੇਜ ਦਿੰਦੇ ਹਨ। ਸੋਸ਼ਲ ਮੀਡੀਆ ‘ਤੇ ਵੀ ਜਾਰੀ ਕਰ ਦਿੰਦੇ ਹਨ।
ਆਪਰੇਸ਼ਨ ਐਂਟੀ ਵਾਇਰਸ ‘ਚ ਹੁਣ ਤੱਕ, 650 ਸਾਈਬਰ ਠੱਗ ਗ੍ਰਿਫਤਾਰ
ਮੇਵਾਤ ‘ਚ ਸਾਈਬਰ ਠੱਗਾਂ ਦੇ ਖਿਲਾਫ ਚੱਲ ਰਹੇ ਆਪਰੇਸ਼ਨ ਐਂਟੀ ਵਾਇਰਸ ‘ਚ ਹੁਣ ਤੱਕ 650 ਸਾਈਬਰ ਠੱਗਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। 175 ਕੇਸ ਦਰਜ ਕੀਤੇ ਗਏ ਹਨ। ਸਾਈਬਰ ਠੱਗਾਂ ਦੇ 10 ਘਰ ਢਾਹ ਕੇ 50 ਲੱਖ ਦੀ ਨਕਦੀ ਅਤੇ ਇੱਕ ਹਜ਼ਾਰ ਮੋਬਾਈਲ ਬਰਾਮਦ ਕੀਤੇ ਗਏ ਹਨ।ਪੁਲਿਸ ਦਾ ਦਾਅਵਾ ਹੈ ਕਿ ਇਸ ਕਾਰਵਾਈ ਨਾਲ ਸਾਈਬਰ ਕ੍ਰਾਈਮ 73 ਫੀਸਦੀ ਘਟਿਆ ਹੈ ਪਰ ਸਾਈਬਰ ਫਰਾਡ ਦੇ ਇਸ ਨਵੇਂ ਤਰੀਕੇ ਨੇ ਭਰਤਪੁਰ ਪੁਲਿਸ ਦੀ ਚਿੰਤਾ ਵਧਾ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦੀ ਠੱਗੀ ਦਾ ਸ਼ਿਕਾਰ ਹੋਏ ਜ਼ਿਆਦਾਤਰ ਲੋਕ ਨਾ ਤਾਂ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾ ਰਹੇ ਹਨ ਅਤੇ ਨਾ ਹੀ ਅੱਗੇ ਆ ਰਹੇ ਹਨ। ਇਸ ਲਈ ਇਸ ਗਰੋਹ ਦੇ ਪੀੜਤਾਂ ਦੀ ਗਿਣਤੀ ਜ਼ਿਆਦਾ ਹੋ ਸਕਦੀ ਹੈ।
FINANCE COMPANY ਨੂੰ ਕੰਮ ਕਰਨ
ਲਈ ਲੜਕੇ / ਲੜਕੀ ਦੀ ਜਰੂਰਤ ਹੈ |
QUALIFICATION – MATRIC / +2
FEMALE PROFILE (OFFICE WORK+ CALLING)
MALE PROFILE (COLLECTION)
M:9888000373