Skip to content
ਜੰਮੂ-ਕਸ਼ਮੀਰ ਦੀ ਰਾਜਧਾਨੀ ਸ਼੍ਰੀਨਗਰ ਦੀ ਡਲ ਝੀਲ ‘ਚ ਬੁੱਧਵਾਰ ਦੁਪਹਿਰ ਨੂੰ ਹੈਰਾਨ ਕਰਨ ਵਾਲਾ ਹਾਦਸਾ ਵਾਪਰ ਗਿਆ। ਡਲ ਝੀਲ ‘ਚ ਸ਼ਿਕਾਰਾ (ਕਿਸ਼ਤੀ) ਪਲਟਣ ਕਾਰਨ ਇਕ ਪਰਿਵਾਰ ਦੇ ਚਾਰ ਮੈਂਬਰ ਪਾਣੀ ‘ਚ ਡਿੱਗ ਗਏ।
ਹੋਇਆ ਇਹ ਕਿ ਸੈਲਾਨੀ ਆਮ ਵਾਂਗ ਝੀਲ ‘ਚ ਸ਼ਿਕਾਰਾ (ਕਿਸ਼ਤੀ) ‘ਤੇ ਸੈਰ ਕਰ ਰਹੇ ਸਨ। ਇਸੇ ਦੌਰਾਨ ਅਚਾਨਕ ਤੇਜ਼ ਹਨੇਰੀ ਆਈ ਅਤੇ ਇਹ ਕਿਸ਼ਤੀ ਤੂਫਾਨ ਦੀ ਲਪੇਟ ‘ਚ ਆਉਣ ਤੋਂ ਬਾਅਦ ਪਲਟ ਗਈ ਅਤੇ ਇਸ ‘ਚ ਸਵਾਰ ਸਾਰੇ ਲੋਕ ਪਾਣੀ ‘ਚ ਡੁੱਬਣ ਲੱਗੇ। ਇਸ ਦੌਰਾਨ ਉੱਥੇ ਮੌਜੂਦ ਇੱਕ ਹੋਰ ਕਿਸ਼ਤੀ ਮਦਦ ਲਈ ਆ ਗਈ। SDRF ਅਤੇ ਹੋਰ ਬਚਾਅ ਟੀਮਾਂ ਦੀ ਮੁਸਤੈਦੀ ਕਾਰਨ ਚਾਰਾਂ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਸਾਰੇ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ ਅਤੇ ਕਿਸੇ ਨੂੰ ਵੀ ਗੰਭੀਰ ਸੱਟ ਨਹੀਂ ਲੱਗੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਡਲ ਝੀਲ ਨੂੰ ”ਕਸ਼ਮੀਰ ਦਾ ਗਹਿਣਾ” ਕਿਹਾ ਜਾਂਦਾ ਹੈ। ਇਹ ਝੀਲ ਚਾਰੇ ਪਾਸਿਓਂ ਪਹਾੜਾਂ ਨਾਲ ਘਿਰੀ ਹੋਈ ਹੈ ਅਤੇ ਇਸ ਦਾ ਪਾਣੀ ਸਾਫ਼ ਅਤੇ ਸ਼ਾਂਤ ਹੈ। ਇਹ ਸਥਾਨ ਸੈਲਾਨੀਆਂ ਲਈ ਇੱਕ ਪ੍ਰਮੁੱਖ ਆਕਰਸ਼ਣ ਹੈ। ਡਲ ਝੀਲ ‘ਤੇ ਹਾਊਸਬੋਟਸ ਕਾਫੀ ਮਸ਼ਹੂਰ ਹਨ। ਲੋਕ ਇਨ੍ਹਾਂ ਕਿਸ਼ਤੀਆਂ ਵਿੱਚ ਰਹਿੰਦੇ ਹਨ ਅਤੇ ਇਸ ਵਿਲੱਖਣ ਅਨੁਭਵ ਦਾ ਆਨੰਦ ਲੈਂਦੇ ਹਨ।
ਡਲ ਝੀਲ ‘ਤੇ ਸ਼ਿਕਾਰਾ ਦੀ ਸਵਾਰੀ ਵੀ ਬਹੁਤ ਮਸ਼ਹੂਰ ਹੈ। ਸ਼ਿਕਾਰਾ, ਜੋ ਕਿ ਕਸ਼ਮੀਰ ਦੀਆਂ ਰਿਵਾਇਤੀ ਕਿਸ਼ਤੀਆਂ ਹਨ, ਸੈਲਾਨੀਆਂ ਨੂੰ ਝੀਲ ਦੇ ਕੰਢੇ ਅਤੇ ਵਿਚਕਾਰ ਸਵਾਰੀ ਕਰਨ ਦਾ ਅਨੁਭਵ ਪ੍ਰਦਾਨ ਕਰਦੀਆਂ ਹਨ। ਡਲ ਝੀਲ ਦਾ ਮੌਸਮ ਵੀ ਬਹੁਤ ਸੁਹਾਵਣਾ ਹੈ, ਖਾਸ ਕਰਕੇ ਗਰਮੀਆਂ ਵਿੱਚ ਜਦੋਂ ਵੱਡੀ ਗਿਣਤੀ ਵਿੱਚ ਸੈਲਾਨੀ ਇੱਥੇ ਆਉਂਦੇ ਹਨ, ਜਦੋਂਕਿ ਸਰਦੀਆਂ ਵਿੱਚ ਇੱਥੇ ਬਰਫ਼ ਪੈਂਦੀ ਹੈ, ਜਿਸ ਨਾਲ ਝੀਲ ਦਾ ਨਜ਼ਾਰਾ ਹੋਰ ਵੀ ਸ਼ਾਨਦਾਰ ਬਣ ਜਾਂਦਾ ਹੈ।
Post Views: 2,110
Related
