ਭਾਰਤੀ ਰਿਜ਼ਰਵ ਬੈਂਕ ਨੇ ਹਾਲ ਹੀ ਵਿੱਚ ਵਿੱਤੀ ਜਾਣਕਾਰੀ ਲੋਕਾਂ ਤੱਕ ਪਹੁੰਚਯੋਗ ਬਣਾਉਣ ਲਈ ਇੱਕ ਅਧਿਕਾਰਤ WhatsApp ਚੈਨਲ ਲਾਂਚ ਕੀਤਾ ਹੈ। ਦਰਅਸਲ, ਇਸ ਦੇ ਜ਼ਰੀਏ RBI ਮਹੱਤਵਪੂਰਨ ਬੈਂਕਿੰਗ ਅਪਡੇਟਸ ਅਤੇ ਵਿੱਤੀ ਖਬਰਾਂ ਨੂੰ ਸਿੱਧੇ ਲੋਕਾਂ ਨੂੰ ਆਸਾਨ ਤਰੀਕੇ ਨਾਲ ਸਾਂਝਾ ਕਰਨਾ ਚਾਹੁੰਦਾ ਹੈ। ਤਾਂ ਜੋ ਇਹ ਦੂਰ-ਦੁਰਾਡੇ ਦੇ ਇਲਾਕਿਆਂ ਦੇ ਲੋਕਾਂ ਤੱਕ ਪਹੁੰਚ ਸਕੇ। ਦੇਸ਼ ਭਰ ਦੇ ਲੋਕ ਕੇਂਦਰੀ ਬੈਂਕ ਦੁਆਰਾ ਸਾਂਝੇ ਕੀਤੇ ਗਏ QR ਕੋਡ ਨੂੰ ਸਕੈਨ ਕਰਕੇ ਚੈਨਲ ਨਾਲ ਜੁੜ ਸਕਦੇ ਹਨ।ਭਾਰਤੀ ਰਿਜ਼ਰਵ ਬੈਂਕ (RBI) ਨੇ WhatsApp ‘ਤੇ ਆਪਣੇ ਵੇਰੀਫਾਈਡ ਅਕਾਊਂਟ ਰਾਹੀਂ ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਮਹੱਤਵਪੂਰਨ ਵਿੱਤੀ ਜਾਣਕਾਰੀ ਹਰ ਕਿਸੇ ਲਈ ਆਸਾਨੀ ਨਾਲ ਪਹੁੰਚਯੋਗ ਹੋਵੇ, ਭਾਵੇਂ ਉਹ ਕਿਤੇ ਵੀ ਰਹਿੰਦਾ ਹੋਵੇ।ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਚੁੱਕੇ ਗਏ ਕਦਮ ਆਰਬੀਆਈ ਦੇ ਅਨੁਸਾਰ, ਇਹ ਜਨਤਾ ਨੂੰ ਜਾਗਰੂਕ ਕਰਨ ਲਈ ਟੈਕਸਟ ਮੈਸੇਜ, ਟੈਲੀਵਿਜ਼ਨ ਅਤੇ ਡਿਜੀਟਲ ਇਸ਼ਤਿਹਾਰਾਂ ਵਰਗੇ ਕਈ ਮਾਧਿਅਮਾਂ ਦੀ ਵਰਤੋਂ ਕਰ ਚੁੱਕਾ ਹੈ।
ਕੇਂਦਰੀ ਬੈਂਕ ਇਸ ਚੈਨਲ ਦੀ ਵਰਤੋਂ ਸੁਰੱਖਿਅਤ ਡਿਜੀਟਲ ਲੈਣ-ਦੇਣ ਅਤੇ ਧੋਖਾਧੜੀ ਦੀ ਰੋਕਥਾਮ ਬਾਰੇ ਜਾਗਰੂਕਤਾ ਸੰਦੇਸ਼ ਫੈਲਾਉਣ ਲਈ ਕਰੇਗਾ। ਇਸ ਤੋਂ ਇਲਾਵਾ ਇਸ ਦੀ ਵਰਤੋਂ ਲੋਕਾਂ ਨੂੰ ਉਨ੍ਹਾਂ ਦੇ ਬੈਂਕਿੰਗ ਅਧਿਕਾਰਾਂ ਦੀ ਯਾਦ ਦਿਵਾਉਣ ਅਤੇ ਨੀਤੀਆਂ ‘ਚ ਬਦਲਾਅ ਦੀ ਜਾਣਕਾਰੀ ਦੇਣ ਲਈ ਵੀ ਕੀਤੀ ਜਾਵੇਗੀ। ਰਿਜ਼ਰਵ ਬੈਂਕ ਨੂੰ ਉਮੀਦ ਹੈ ਕਿ WhatsApp ਚੈਨਲ ਗਲਤ ਜਾਣਕਾਰੀ ਦੇ ਖਿਲਾਫ ਲੜਾਈ ਵਿੱਚ ਇੱਕ ਪ੍ਰਭਾਵਸ਼ਾਲੀ ਸਾਧਨ ਬਣੇਗਾ, ਸੋਸ਼ਲ ਮੀਡੀਆ ‘ਤੇ ਫੈਲਣ ਵਾਲੀ ਵਿੱਤੀ ਗਲਤ ਜਾਣਕਾਰੀ ਨੂੰ ਘੱਟ ਕਰੇਗਾ ਅਤੇ ਉਪਭੋਗਤਾਵਾਂ ਨੂੰ ਸੂਚਿਤ ਫੈਸਲੇ ਲੈਣ ਵਿੱਚ ਮਦਦ ਕਰੇਗਾ।
ਕਿਵੇਂ ਸ਼ਾਮਲ ਹੋਣਾ ਹੈ?
1. RBI ਦੁਆਰਾ ਆਪਣੀ ਅਧਿਕਾਰਤ ਵੈੱਬਸਾਈਟ ਜਾਂ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਸਾਂਝਾ ਕੀਤਾ ਗਿਆ QR ਕੋਡ ਸਕੈਨ ਕਰੋ।
2. QR ਕੋਡ ਤੁਹਾਨੂੰ ਸਿੱਧਾ RBI WhatsApp ਚੈਨਲ ‘ਤੇ ਲੈ ਜਾਵੇਗਾ।
3. ਚੈਨਲ ਦੀ ਗਾਹਕੀ ਲੈਣ ਲਈ “ਜੁਆਇਨ” ‘ਤੇ ਕਲਿੱਕ ਕਰੋ।
4. ਜੁਆਇਨ ਕਰਨ ਤੋਂ ਬਾਅਦ, ਤੁਹਾਨੂੰ RBI ਦੇ ਵੈਰੀਫਾਈਡ WhatsApp ਖਾਤੇ ਤੋਂ ਅੱਪਡੇਟ ਮਿਲਣੇ ਸ਼ੁਰੂ ਹੋ ਜਾਣਗੇ।
RBI ਦਾ ਅਧਿਕਾਰਤ WhatsApp ਖਾਤਾ ਵਪਾਰਕ ਨੰਬਰ 9999 041 935 ਦੁਆਰਾ ਚਲਾਇਆ ਜਾਂਦਾ ਹੈ। ਯੂਜ਼ਰ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਖਾਤੇ ਦੇ ਨਾਮ ਦੇ ਅੱਗੇ ਵੈਰਫ਼ਾਈਡ ਚਿੰਨ੍ਹ ਦੀ ਜਾਂਚ ਕਰਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਉਹ ਸਹੀ ਚੈਨਲ ਦਾ ਫੋਲੋ ਕਰ ਰਹੇ ਹਨ।