ਹੁਣ ਤੱਕ ਐਪਲ ਦੇ ਆਉਣ ਵਾਲੇ ਆਈਫੋਨ 16 ਨੂੰ ਲੈ ਕੇ ਹੁਣ ਤੱਕ ਕਈ ਵੱਡੀਆਂ ਖਬਰਾਂ ਸਾਹਮਣੇ ਆ ਚੁੱਕੀਆਂ ਹਨ ਅਤੇ ਯੂਜ਼ਰਸ ਇਸ ਡਿਵਾਈਸ ਨੂੰ ਲੈ ਕੇ ਉਤਸੁਕ ਹਨ। ਪਰ ਇਸ ਦੌਰਾਨ ਆਈਫੋਨ ਯੂਜ਼ਰਸ ਲਈ ਇਕ ਅਜਿਹੀ ਖਬਰ ਸਾਹਮਣੇ ਆਈ ਹੈ ਜਿਸ ਦਾ ਸਿੱਧਾ ਅਸਰ ਜੇਬ ‘ਤੇ ਪਵੇਗਾ।ਸਾਹਮਣੇ ਆਈਆਂ ਰਿਪੋਰਟਾਂ ਮੁਤਾਬਕ ਆਉਣ ਵਾਲੇ ਕੁਝ ਮਹੀਨਿਆਂ ‘ਚ ਐਪਲ ਆਪਣੇ ਆਈਫੋਨ ਡਿਵਾਈਸ ‘ਚ ਇੰਟੈਲੀਜੈਂਸ ਫੀਚਰ ਲੈ ਕੇ ਆ ਰਹੀ ਹੈ। ਜਿਸ ਤੋਂ ਬਾਅਦ ਉਪਭੋਗਤਾਵਾਂ ਨੂੰ ਹਰ ਮਹੀਨੇ 20 ਡਾਲਰ ਯਾਨੀ ਲਗਭਗ 1600 ਰੁਪਏ ਵਾਧੂ ਖਰਚ ਕਰਨੇ ਪੈਣਗੇ। ਇਸ ਦਾ ਮਤਲਬ ਹੈ ਕਿ ਆਉਣ ਵਾਲੇ ਦਿਨਾਂ ‘ਚ iPhone ਦਾ ਇਸਤੇਮਾਲ ਕਰਨਾ ਮਹਿੰਗਾ ਸਾਬਤ ਹੋਵੇਗਾ।
ਕਿਸ ਡਿਵਾਈਸ ਵਿੱਚ ਆਵੇਗਾ Apple ਇੰਟੈਲੀਜੈਂਸ ?
ਐਪਲ ਇੰਟੈਲੀਜੈਂਸ ਫੀਚਰ ਦੀ ਗੱਲ ਕਰੀਏ ਤਾਂ ਇਹ ਕੰਪਨੀ ਦੇ ਆਉਣ ਵਾਲੇ ਆਈਫੋਨ 16 ‘ਚ ਦੇਖਣ ਨੂੰ ਮਿਲੇਗਾ। ਇਸ ਤੋਂ ਇਲਾਵਾ ਕੰਪਨੀ ਆਈਫੋਨ 15 ਸੀਰੀਜ਼ ‘ਚ AI ਫੀਚਰ ਸਪੋਰਟ ਵੀ ਦੇਵੇਗੀ। ਇਸ ਫੀਚਰ ਨੂੰ ਹੌਲੀ-ਹੌਲੀ ਆਈਫੋਨ 15 ਸੀਰੀਜ਼ ਦੇ ਸਾਰੇ ਡਿਵਾਈਸਾਂ ‘ਚ ਰੋਲਆਊਟ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ, ਇਹਨਾਂ ਫੀਚਰਸ ਦੀ ਵਰਤੋਂ ਕਰਨ ਲਈ, ਕੰਪਨੀ ਦੁਆਰਾ 20 ਡਾਲਰ ਯਾਨੀ 1600 ਰੁਪਏ ਦਾ ਸਬਸਕ੍ਰਿਪਸ਼ਨ ਚਾਰਜ ਲਿਆ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਹੁਣ ਤੱਕ ਇਸ ਵਿਸ਼ੇ ‘ਤੇ ਕੰਪਨੀ ਵੱਲੋਂ ਕੋਈ ਸਪੱਸ਼ਟ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਐਪਲ ਇੰਟੈਲੀਜੈਂਸ (AI) ਵਿੱਚ ਕੀ ਹੈ ਖਾਸ ?
ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਨੇ ਹਾਲ ਹੀ ‘ਚ ਆਯੋਜਿਤ ਕੀਤੇ ਗਏ WWDC 2024 ‘ਚ ਆਪਣੇ AI ਫੀਚਰ ਦਾ ਐਲਾਨ ਕੀਤਾ ਸੀ ਪਰ ਲਾਂਚ ਡੇਟ ਦਾ ਖੁਲਾਸਾ ਨਹੀਂ ਕੀਤਾ ਸੀ। ਅਜਿਹੇ ‘ਚ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਹ AI ਫੀਚਰ iPhone 16 ਦੇ ਨਾਲ ਲਾਂਚ ਕੀਤੇ ਜਾਣਗੇ। ਐਪਲ ਇੰਟੈਲੀਜੈਂਸ ਯਾਨੀ ਐਪਲ ਦੇ AI ਦੀ ਗੱਲ ਕਰੀਏ ਤਾਂ ਇਸ ‘ਚ ਸਿਰੀ ਵੌਇਸ ਅਸਿਸਟੈਂਟ ਦਾ ਐਡਵਾਂਸ ਵਰਜ਼ਨ ਮਿਲੇਗਾ। ਇਸ ਦੀ ਮਦਦ ਨਾਲ ਯੂਜ਼ਰ ਆਪਣੀ ਲੋੜ ਮੁਤਾਬਕ ਆਟੋਮੈਟੀਕਲੀ ਈ-ਮੇਲ, ਫੋਟੋਆਂ ਅਤੇ ਵੀਡੀਓਜ਼ ਜਨਰੇਟ ਕਰ ਸਕਣਗੇ। ਇਹ AI ਨਾ ਕੇਵਲ ਤੁਹਾਡੇ ਕੰਮ ਨੂੰ ਆਸਾਨ ਬਣਾਵੇਗਾ ਸਗੋਂ ਸਮੇਂ ਦੀ ਵੀ ਬੱਚਤ ਕਰੇਗਾ।