ਦੇਸ਼ ਦੀ ਪ੍ਰਮੁੱਖ ਇਲੈਕਟ੍ਰਿਕ ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ ਓਲਾ ਇਲੈਕਟ੍ਰਿਕ ਨੇ ਹਾਲ ਹੀ ਵਿੱਚ ਆਪਣੀ Ola Gen 3 ਸੀਰੀਜ਼ ਲਾਂਚ ਕੀਤੀ ਹੈ। ਕੰਪਨੀ ਨੇ ਇਸ ਨੂੰ ਸ਼ੁਰੂਆਤੀ ਕੀਮਤ ਦੇ ਨਾਲ ਲਾਂਚ ਕੀਤਾ ਹੈ। ਹੁਣ ਕੰਪਨੀ ਨੇ ਇਸ ਦੀ ਕੀਮਤ ਵਧਾ ਦਿੱਤੀ ਹੈ। ਤੀਜੀ ਜਨਰੇਸ਼ਨ Ola S1 Pro ਨੂੰ 3kWh ਵੇਰੀਐਂਟ ਲਈ 1.15 ਲੱਖ ਰੁਪਏ ਅਤੇ 4kWh ਵੇਰੀਐਂਟ ਲਈ 1.35 ਲੱਖ ਰੁਪਏ, ਐਕਸ-ਸ਼ੋਰੂਮ ਵਿੱਚ ਲਾਂਚ ਕੀਤਾ ਗਿਆ ਸੀ। ਹੁਣ ਕੀਮਤਾਂ ਵਧਣ ਨਾਲ ਮਾਡਲ ਦੇ ਹਿਸਾਬ ਨਾਲ ਸਕੂਟਰਾਂ ਦੀ ਕੀਮਤ 15,000 ਰੁਪਏ ਤੱਕ ਵਧ ਗਈ ਹੈ।
Ola S1 Pro Gen 3 ਨੂੰ 1.15 ਲੱਖ ਰੁਪਏ ਦੀ ਸ਼ੁਰੂਆਤੀ ਕੀਮਤ ‘ਤੇ ਲਾਂਚ ਕੀਤਾ ਗਿਆ ਸੀ। ਇਸ ਦੇ ਲਾਂਚ ਹੋਏ 10 ਦਿਨ ਵੀ ਨਹੀਂ ਹੋਏ ਹਨ ਅਤੇ 3kWh ਬੈਟਰੀ ਪੈਕ ਵਾਲੇ S1 Pro Gen 3 ਦੀ ਕੀਮਤ 15,000 ਰੁਪਏ ਤੱਕ ਵਧ ਗਈ ਹੈ। ਜਿਸ ਦੀ ਕੀਮਤ ਹੁਣ 1.30 ਲੱਖ ਰੁਪਏ ਹੈ, ਜਦਕਿ 4kWh ਬੈਟਰੀ ਪੈਕ ਵਾਲੇ S1 Pro Gen 3 ਦੀ ਕੀਮਤ ‘ਚ 10,000 ਰੁਪਏ ਦਾ ਵਾਧਾ ਹੋਇਆ ਹੈ, ਜਿਸ ਦੀ ਐਕਸ-ਸ਼ੋਰੂਮ ਕੀਮਤ 1.45 ਲੱਖ ਰੁਪਏ ਹੈ।
242 ਕਿਲੋਮੀਟਰ ਰੇਂਜ
ਥਰਡ-ਜੇਨ ਓਲਾ ਸਕੂਟਰਸ ਨੇ ਪਲੇਟਫਾਰਮ, ਬੈਟਰੀ ਪੈਕ ਅਤੇ ਮੋਟਰਸ ਵਿੱਚ ਅਪਡੇਟ ਦੇਖੇ ਹਨ, ਜਦੋਂ ਕਿ ਫਾਈਨਲ ਡਰਾਈਵ ਨੂੰ ਪੁਰਾਣੀ ਬੈਲਟ ਤੋਂ ਚੇਨ ਤੱਕ ਅਪਡੇਟ ਕੀਤਾ ਗਿਆ ਹੈ। ਸਾਰੇ ਅਪਡੇਟਸ ਨੇ ਸਕੂਟਰਾਂ ਨੂੰ ਹੋਰ ਕੁਸ਼ਲ ਬਣਾ ਦਿੱਤਾ ਹੈ। ਤੀਜੀ ਪੀੜ੍ਹੀ ਦੇ ਸਕੂਟਰਾਂ ਵਾਂਗ, Ola S1 Pro 3kWh ਵੇਰੀਐਂਟ ਦੇ ਨਾਲ 176 ਕਿਲੋਮੀਟਰ ਦੀ IDC ਰੇਂਜ ਅਤੇ 4kWh ਵੇਰੀਐਂਟ ਦੇ ਨਾਲ 242 ਕਿਲੋਮੀਟਰ IDC ਰੇਂਜ ਦਾ ਦਾਅਵਾ ਕਰਦਾ ਹੈ। ਨਵਾਂ Ola S1 Pro ਸਕੂਟਰ 5 ਰੰਗਾਂ ਦੇ ਵਿਕਲਪਾਂ ਵਿੱਚ ਉਪਲਬਧ ਹੈ: ਪੋਰਸਿਲੇਨ ਵ੍ਹਾਈਟ, ਇੰਡਸਟਰੀਅਲ ਸਿਲਵਰ, ਸਟੈਲਰ ਬਲੂ, ਜੈੱਟ ਬਲੈਕ ਅਤੇ ਮਿਡਨਾਈਟ ਬਲੂ।ਓਲਾ ਭਾਰਤ ਦੀ ਸਭ ਤੋਂ ਵੱਡੀ ਇਲੈਕਟ੍ਰਿਕ ਵਾਹਨ ਨਿਰਮਾਤਾ ਕੰਪਨੀ ਹੈ। ਕੰਪਨੀ ਦੇ ਪੋਰਟਫੋਲੀਓ ‘ਚ ਵੱਖ-ਵੱਖ ਬੈਟਰੀ ਪੈਕ ‘ਤੇ ਆਧਾਰਿਤ ਕਈ ਲੰਬੀ ਰੇਂਜ, ਮੱਧ ਰੇਂਜ ਦੇ ਸਕੂਟਰ ਹਨ। ਭਾਰਤ ਵਿੱਚ, ਸਿਰਫ ਸਿੰਪਲ ਵਨ ਇਲੈਕਟ੍ਰਿਕ ਸਕੂਟਰ ਹੀ ਰੇਂਜ ਦੇ ਮਾਮਲੇ ਵਿੱਚ ਓਲਾ ਤੋਂ ਅੱਗੇ ਹਨ। Simple One 1.5 Gen ਨੂੰ ਹਾਲ ਹੀ ਵਿੱਚ 248 ਕਿਲੋਮੀਟਰ ਦੀ ਰੇਂਜ ਦੇ ਨਾਲ ਲਾਂਚ ਕੀਤਾ ਗਿਆ ਹੈ।