ਬਿੱਗ ਬੌਸ OTT 3 ਦਿਨੋਂ-ਦਿਨ ਮਜ਼ੇਦਾਰ ਹੁੰਦਾ ਜਾ ਰਿਹਾ ਹੈ। ਇਸ ਵਾਰ ਅਨਿਲ ਕਪੂਰ ਇਸ ਸ਼ੋਅ ਨੂੰ ਹੋਸਟ ਕਰ ਰਹੇ ਹਨ। ਇਸ ਦੌਰਾਨ ਐਤਵਾਰ ਨੂੰ ਹੋਏ ਦੂਜੇ ਐਲੀਮੀਨੇਸ਼ਨ ਵਿੱਚ ਅਰਮਾਨ ਮਲਿਕ ਦੀ ਪਹਲੀ ਪਤਨੀ ਵਲਾਗਰ ਪਾਇਲ ਮਲਿਕ ਨੂੰ ਘਰੋਂ ਕੱਢ ਦਿੱਤਾ ਗਿਆ ਹੈ। ਹੁਣ ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਪਾਇਲ ਮਲਿਕ ਨੇ ਇੱਕ ਇਮੋਸ਼ਨਲ ਵੀਡਿਓ ਸ਼ੇਅਰ ਕੀਤੀ ਹੈ। ਇਸ ਵੀਡਿਓ ਰਾਹੀ ਪਾਇਲ ਨੇ ਦੱਸਿਆ ਕਿ ਉਸ ਨੂੰ ਘਰੋਂ ਕਿਉਂ ਕੱਢਿਆ ਗਿਆ ਹੈ।ਇਸ ਵੀਡਿਓ ਨੂੰ ਸ਼ੇਅਰ ਕਰਦੇ ਹੋਏ ਪਾਇਲ ਨੇ ਫੈਨਜ਼ ਦਾ ਪੰਨਵਾਦ ਕੀਤਾ ਹੈ। ਵੀਡਿਓ ‘ਚ ਉਹ ਗੁਲਾਬੀ ਰੰਗ ਦੀ ਟੀ-ਸ਼ਰਟ ‘ਚ ਨਜ਼ਰ ਆ ਰਹੀ ਹੈ। ਪਾਇਲ ਨੇ ਸਭ ਦਾ ਧੰਨਵਾਤਦ ਕੀਤਾ ਅਤੇ ਕਿਹਾ ਕਿ ਤੁਸੀ ਸਾਰਿਆਂ ਨੇ ਮੇਰਾ ਬਹੁਤ ਸਾਥ ਦਿੱਤਾ ਹੈ। ਤੁਸੀ ਸਾਰੇ ਜਾਣਦੇ ਹੋ ਕਿ ਮੈਂ ਬਿੱਗ ਬੌਸ ਦੇ ਘਰ ਤੋਂ ਬਾਹਰ ਆਈ ਹਾਂ। ਇੰਨਾ ਪਿਆਰ ਅਤੇ ਸਹਿਯੋਗ ਦੇਣ ਲਈ ਧੰਨਵਾਦ। ਮੈਂ ਜਾਣਦੀ ਹਾਂ ਕਿ ਮੈਂ ਵੋਟ ਕਾਰਨ ਬਾਹਰ ਨਹੀਂ ਆਈ, ਮੈਂ ਆਪਣੇ ਘਰ ਵਾਲਿਆਂ ਕਾਰਨ ਬਾਹਰ ਆਈ ਹਾਂ। ਮੈਂ ਬਾਹਰ ਆਈ ਹਾਂ ਕਿਉਂਕਿ ਘਰ ਵਾਲਿਆਂ ਨੇ ਮੇਨੂੰ ਨੋਮਿਨੇਟ ਕੀਤਾ ਸੀ। ਘਰ ਵਿੱਚ ਮੈਂ ਤੂਹਾਨੂੰ ਬਿਲਕੁਲ ਉਸੇ ਤਰ੍ਹਾਂ ਨਜ਼ਰ ਆਈ ਸੀ ਜਿਵੇਂ ਤੁਸੀ ਸਾਰੇ ਮੈਨੂੰ ਜਾਣਦੇ ਹੋ। ਬਸ ਇਸ ਤਰ੍ਹਾਂ ਮੈਨੂੰ ਸਹਿਯੋਗ ਦਿੰਦੇ ਰਹੋ।ਇਸ ਵੀਡਿਓ ਨੂੰ ਦੇਖ ਕੇ ਪਾਇਲ ਦੇ ਫੈਨਜ਼ ਕਾਫੀ ਨਿਰਾਸ਼ ਹਨ। ਹਾਲਾਂਕਿ ਪ੍ਰਸ਼ੰਸਕਾ ਦਾ ਕਹਿਣਾ ਹੈ ਕਿ ਭਾਵੇਂ ਪਾਇਲ ਨੂੰ ਘਰ ਤੋਂ ਬਾਹਰ ਕਰ ਦਿੱਤਾ ਗਿਆ ਹੈ, ਪਰ ਉਸ ਦੀ ਵਾਈਲਡ ਕਾਰਡ ਐਂਟਰੀ ਹੋਣੀ ਚਾਹੀਦੀ ਹੈ। ਕਈ ਫੈਨਜ਼ ਦਾ ਕਹਿਣਾ ਹੈ ਕਿ ਉਹ ਹੁਣ ਬਿੱਗ ਬੌਸ ਸ਼ੋਅ ਨਹੀਂ ਦੇਖਣਗੇ।
ਤੁਹਾਨੂੂੰ ਦੱਸ ਦੇਈਏ ਕਿ ਪਾਇਲ ਮਲਿਕ ਯੂਟਿਉਬਰ ਅਰਮਾਨ ਮਲਿਕ ਦੀ ਪਹਿਲੀ ਪਤਨੀ ਹੈ। ਅਰਮਾਨ ਨੇ ਦੋ ਵਾਰ ਵਿਆਹ ਕੀਤਾ ਹੈ। ਉਨ੍ਹਾਂ ਦੀ ਦੂਜੀ ਪਤਨੀ ਦਾ ਨਾਂ ਕ੍ਰਿਤਿਕਾ ਮਲਿਕ ਹੈ। ਅਰਮਾਨ ਨੇ ਦੋਵੇਂ ਪਤਨੀਆਂ ਨਾਲ ਬਿੱਗ ਬੌਸ ‘ਚ ਹਿੱਸਾ ਲਿਆ ਸੀ। ਹਾਲਾਂਕਿ ਹੁਣ ਪਾਇਲ ਸ਼ੋਅ ਤੋਂ ਬਾਹਰ ਆ ਗਈ ਹੈ।