ਫਗਵਾੜਾ 25 ਜੁਲਾਈ (ਪੁਨੀਤ, ਵਿਕਾਸ ) ਇਲੈਵਨ ਸਟਾਰ ਸਪੈਸ਼ਲ ਸਟੇਟਸ, ਹੰਡਰਡ ਪਰਸੈਂਟ ਐਕਟਿਵ ਲਾਇਨਜ ਕਲੱਬ ਫਗਵਾੜਾ ਸਰਵਿਸ ਦੇ ਆਊਟਗੋਇੰਗ ਪ੍ਰਧਾਨ (2023-24) ਲਾਇਨ ਵਿਪਨ ਹਾਂਡਾ ਨੂੰ ਲਾਇਨਜ਼ ਇੰਟਰਨੈਸ਼ਨਲ 321-ਡੀ ਵੱਲੋਂ ਡਿਸਟ੍ਰਿਕਟ ਚੇਅਰਮੈਨ ਦੇ ਅਹੁਦੇ ਨਾਲ ਨਵਾਜਿਆ ਗਿਆ ਹੈ। ਲਾਇਨਜ਼ ਕਲੱਬ ਸਰਵਿਸ ਦੇ ਨਵ-ਨਿਯੁਕਤ ਪ੍ਰਧਾਨ ਰਾਜੀਵ ਮਹਿਰਾ ਦੀ ਪ੍ਰਧਾਨਗੀ ਹੇਠ ਸਥਾਨਕ ਹੋਟਲ ਅੰਬੈਸਡਰ ਵਿਖੇ ਹੋਈ ਸਾਲ 2024-25 ਦੀ ਪਹਿਲੀ ਜਨਰਲ ਬਾਡੀ ਮੀਟਿੰਗ ਦੌਰਾਨ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਡਿਸਟ੍ਰਿਕਟ ਗਵਰਨਰ ਲਾਇਨ ਰਛਪਾਲ ਸਿੰਘ ਬੱਚਾਜੀਵੀ ਨੇ ਉਹਨਾਂ ਨੂੰ ਡਿਸਟ੍ਰਿਕਟ ਚੇਅਰਮੈਨ ਦੀ ਇੰਟਰਨੈਸ਼ਨਲ ਪਿੰਨ ਲਗਾਈ। ਇਸ ਦੇ ਨਾਲ ਹੀ ਪੀ.ਐਮ.ਜੇ.ਐਫ. ਪਾਸਟ ਡਿਸਟ੍ਰਿਕਟ ਗਵਰਨਰ ਲਾਇਨ ਜੇ.ਬੀ. ਸਿੰਘ ਚੌਧਰੀ ਅੰਬੈਸਡਰ ਆਫ ਗੁੱਡਵਿਲ ਨੇ ਸਨਮਾਨ ਵਜੋਂ ਇੰਟਰਨੈਸ਼ਨਲ ਗਵਰਨਰ (2023-24) ਲਾਇਨ ਪੈਟੀ ਹਿੱਲ ਵੱਲੋਂ ਜਾਰੀ ਅੰਤਰਰਾਸ਼ਟਰੀ ਸਰਟੀਫਿਕੇਟ ਭੇਂਟ ਕੀਤਾ। ਮੀਟਿੰਗ ਵਿੱਚ ਵਾਈਸ ਡਿਸਟ੍ਰਿਕਟ ਗਵਰਨਰ-1 ਐਮ.ਜੇ.ਐਫ. ਲਾਇਨ ਵੀ.ਐਮ ਗੋਇਲ, ਗਵਰਨਰ-2 ਐਮ.ਜੇ.ਐਫ. ਲਾਇਨ ਜੀ.ਐਸ ਭਾਟੀਆ, ਪਾਸਟ ਡਿਸਟ੍ਰਿਕਟ ਗਵਰਨਰ ਲਾਇਨ ਹਰੀਸ਼ ਬੰਗਾ, ਲਾਇਨ ਲੇਡੀ ਰਜਨੀ ਬੰਗਾ, ਫਸਟ ਡਿਸਟ੍ਰਿਕਟ ਲਾਇਨ ਲੇਡੀ ਜਤਿੰਦਰ ਕੌਰ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਹੋਏ ਅਤੇ ਨਵ-ਨਿਯੁਕਤ ਡਿਸਟ੍ਰਿਕਟ ਗਵਰਨਰ ਲਾਇਨ ਵਿਪਨ ਹਾਂਡਾ ਨੂੰ ਫੁੱਲਾਂ ਦੇ ਹਾਰ ਪਹਿਨਾ ਕੇ ਨਵੀਂ ਜ਼ਿੰਮੇਵਾਰੀ ਲਈ ਸ਼ੁੱਭ ਇੱਛਾਵਾਂ ਦਿੱਤੀਆਂ। ਨਵ ਨਿਯੁਕਤ ਡਿਸਟ੍ਰਿਕਟ ਚੇਅਰਮੈਨ ਵਿਪਨ ਹਾਂਡਾ ਨੂੰ ਵਧਾਈ ਦਿੰਦਿਆਂ ਪਾਸਟ ਡਿਸਟ੍ਰਿਕਟ ਗਵਰਨਰ ਲਾਇਨ ਹਰੀਸ਼ ਬੰਗਾ ਨੇ ਦੱਸਿਆ ਕਿ ਲਾਇਨ ਵਿਪਨ ਹਾਂਡਾ ਤਿੰਨ ਵਾਰ ਲਾਇਨਜ਼ ਕਲੱਬ ਫਗਵਾੜਾ ਸਰਵਿਸ ਦੇ ਪ੍ਰਧਾਨ ਦਾ ਅਹੁਦਾ ਸੰਭਾਲ ਚੁੱਕੇ ਹਨ ਅਤੇ ਉਨ੍ਹਾਂ ਨੇ ਕਲੱਬ ਨੂੰ ਇਲੈਵਨ ਸਟਾਰ, ਵਿਸ਼ੇਸ਼ ਦਰਜਾ ਦਿਵਾਉਣ ਵਿੱਚ ਵੱਡੀ ਭੂਮਿਕਾ ਨਿਭਾਈ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ 2011-12 ਵਿੱਚ ਬਤੌਰ ਰੀਜ਼ਨ ਚੇਅਰਮੈਨ ਡਿਸਟ੍ਰਿਕਟ 321-ਡੀ ਲਈ ਸ਼ਾਨਦਾਰ ਕੰਮ ਕੀਤਾ।
