ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦਾ ਮਾਣ ਦਿਲਜੀਤ ਦੋਸਾਂਝ ਨੇ ਪੂਰੀ ਦੁਨੀਆ ‘ਚ ਛਾ ਗਏ ਹਨ। ਉਨ੍ਹਾਂ ਦਾ ਸਾਲ 2024 ਸ਼ਾਨਦਾਰ ਰਿਹਾ ਹੈ। ਉਨ੍ਹਾਂ ਨੇ ਇਸ ਸਾਲ ਦੀ ਸ਼ੁਰੂਆਤ ਫਿਲਮ ‘ਅਮਰ ਸਿੰਘ ਚਮਕੀਲਾ’ ਨਾਲ ਕੀਤੀ ਸੀ। ਫਿਰ ਉਨ੍ਹਾਂ ਦਾ ਵੈਨਕੂਵਰ ਸ਼ੋਅ ਸੋਲਡ ਆਊਟ ਹੋ ਕੇ ਦਿਲਜੀਤ ਨੇ ਇਤਿਹਾਸ ਰਚ ਦਿੱਤਾ। ਹੁਣ ਉਹ ‘ਦਿ ਟੂਨਾਈਟ ਸ਼ੋਅ ਵਿਦ ਜਿੰਮੀ ਫੈਲਨ’ ਵਿੱਚ ਮਹਿਮਾਨ ਵਜੋਂ ਨਜ਼ਰ ਆਏ। ਇਸ ਸ਼ੋਅ ‘ਚ ਉਹ ਆਪਣੇ ਖਾਸ ਪੰਜਾਬੀ ਲੁੱਕ ‘ਚ ਨਜ਼ਰ ਆਏ, ਜਿਸ ਲਈ ਉਨ੍ਹਾਂ ਦੀ ਕਾਫੀ ਤਰੀਫ ਹੋ ਰਹੀ ਹੈ।ਇਸੀ ਵਿਚਾਲੇ ਗਲੋਬਲ ਸਟਾਰ ਨੇ ਇਕ ਹੋਰ ਖਿਤਾਬ ਆਪਣੇ ਨਾਂ ਕੀਤਾ ਹੈ। ਦਰਅਸਲ ਵੋਗ ਪੈਰਿਸ ਨੇ ਦਿਲਜੀਤ ਦੋਸਾਂਝ ਨੂੰ ਭਾਰਤ ਦੇ ਸਭ ਤੋਂ ਸਟਾਈਲਿਸ਼ ਵਿਅਕਤੀ ਦਾ ਖਿਤਾਬ ਦਿੱਤਾ ਹੈ। ਵੋਗ ਪੈਰਿਸ ਦੇ ਲੇਖ ‘ਚ ਦਿਲਜੀਤ ਦੇ ਫੈਸ਼ਨ ਸੈਂਸ ਦੀ ਕਾਫੀ ਤਰੀਫ ਕੀਤੀ ਅਤੇ ਉਨ੍ਹਾਂ ਨੂੰ ਸਭ ਤੋਂ ਫੈਸ਼ਨੇਬਲ ਆਦਮੀ ਦਾ ਦਰਜ਼ਾ ਦਿੱਤਾ ਹੈ।ਹਾਲ ਹੀ ‘ਚ ਦਿਲਜੀਤ ਦੋਸਾਂਝ ਨੇ ਅਮਰੀਕੀ ਕਾਮੇਡੀਅਨ ਅਤੇ ਟੀਵੀ ਹੋਸਟ ਜਿੰਮੀ ਫੈਲਨ ਦੇ ਚੈਟ ਸ਼ੋਅ ‘ਦਿ ਟੂਨਾਈਟ ਸ਼ੋਅ’ ‘ਚ ਸ਼ਾਮਲ ਹੋਏ ਸਨ। ਇਸ ਚੈਟ ਸ਼ੋਅ ‘ਚ ਦਿਲਜੀਤ ਅਤੇ ਜਿੰਮੀ ਇਕੱਠੇ ਮਸਤੀ ਕਰਦੇ ਨਜ਼ਰ ਆਏ। ਇੰਨਾ ਹੀ ਨਹੀਂ ਦਿਲਜੀਤ ਨੇ ਜਿੰਮੀ ਨੂੰ ਪੰਜਾਬੀ ਵੀ ਸਿਖਾਈ।
ਦਿਲਜੀਤ ਨੇ ਜਿੰਮੀ ਨੂੰ ਸਿਖਾਈ ਪੰਜਾਬੀ
ਸ਼ੋਅ ਦੇ ਇੱਕ ਬੀਟੀਐਸ ਵੀਡੀਓ ਵਿੱਚ, ਦਿਲਜੀਤ ‘ਦਿ ਟੂਨਾਈਟ ਸ਼ੋਅ’ ਦੇ ਹੋਸਟ ਜਿੰਮੀ ਫੈਲਨ ਨੂੰ ਪੰਜਾਬੀ ਸਿਖਾਉਂਦੇ ਦਿਖਾਈ ਦੇ ਰਹੇ ਹਨ। ਦਿਲਜੀਤ ਨੇ ਚਿੱਟੇ ਕੁੜਤੇ ਅਤੇ ਧੋਤੀ ‘ਤੇ ਕਾਲੇ ਰੰਗ ਦਾ ਬਲੈਕ ਵੇਸਟਕੋਟ ਪਹਿਨਿਆ ਹੋਇਆ ਹੈ ਅਤੇ ਉਨ੍ਹਾਂ ਦੀ ਪਗੜੀ ਵੀ ਸਫੈਦ ਹੈ। ਉਹ ਪਹਿਲਾਂ ਜਿੰਮੀ ਨੂੰ ‘ਪੰਜਾਬੀ ਆ ਗੇ ਓਏ’ ਕਹਿਣਾ ਸਿਖਾਉਂਦਾ ਹੈ, ਜਿਸ ਨੂੰ ਜਿੰਮੀ ਇਕ-ਦੋ ਕੋਸ਼ਿਸ਼ਾਂ ਤੋਂ ਬਾਅਦ ਸਹੀ ਬੋਲਦੇ ਹਨ। ਇਸ ਤੋਂ ਬਾਅਦ ਉਹ ਜਿੰਮੀ ਨੂੰ ‘ਸਤਿ ਸ਼੍ਰੀ ਅਕਾਲ’ ਕਹਿਣਾ ਸਿਖਾਉਂਦੇ ਹਨ।
ਵਰਕ ਫਰੰਟ ਦੀ ਗੱਲ ਕਰੀਏ ਦਿਲਜੀਤ ਦੋਸਾਂਝ ਇਕ ਵਾਰ ਫਿਰ ਨੀਰੂ ਬਾਜਵਾ ਨਾਲ ਧਮਾਲ ਮਚਾਉਣ ਜਾ ਰਹੇ ਹਨ। ਇਨ੍ਹਾਂ ਦੀ ਫਿਲਮ ਜੱਟ ਐਂਡ ਜੂਲੀਅਟ 28 ਜੂਨ ਨੂੰ ਸਿਨੇਮਾਂ ਘਰਾਂ ‘ਚ ਰਿਲੀਜ਼ ਹੋਵੇਗੀ। ਹਾਲ ਹੀ ‘ਚ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਫੈਨਜ਼ ਵਲੋਂ ਭਾਰੀ ਹੁੰਗਾਰਾ ਮਿਲਿਆ ਹੈ। ਇਸਦੇ ਨਾਲ ਹੀ ਇਹ ਖਬਰਾਂ ਵੀ ਸਾਹਮਣੇ ਆ ਰਹੀਆਂ ਹਨ ਕਿ ਉਹ ਜਲਦ ਹੀ ਜਲਦੀ ਹੀ 2005 ‘ਚ ਆਈ ਫਿਲਮ ‘ਨੋ ਐਂਟਰੀ’ ਦੇ ਸੀਕਵਲ ‘ਚ ਨਜ਼ਰ ਆਉਣਗੇ।