ਨਰਿੰਦਰ ਮੋਦੀ ਸਟੇਡੀਅਮ ‘ਚ RCB ਦਾ ਇਤਿਹਾਸਕ ਕਬਜ਼ਾ, ਫਾਈਨਲ ਜਿੱਤ ਕੇ ਬਣੀ ਚੈਂਪੀਅਨ! 🏆🔥

ਨਰਿੰਦਰ ਮੋਦੀ ਸਟੇਡੀਅਮ ‘ਚ RCB ਜਿੱਤ ਦੇ ਬੂਹੇ ‘ਤੇ, ਕੋਹਲੀ ਦੀ ਧਮਾਕੇਦਾਰ ਅਰਧ ਸੈਂਕੜੇ ਨੇ ਬਦਲਿਆ ਮੈਚ

ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡੇ ਜਾ ਰਹੇ IPL 2026 ਦੇ ਫਾਈਨਲ ਮੁਕਾਬਲੇ ਵਿੱਚ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB) ਜਿੱਤ ਦੇ ਬਹੁਤ ਨੇੜੇ ਪਹੁੰਚ ਗਈ ਹੈ। ਗੁਜਰਾਤ ਟਾਈਟਨਜ਼ (GT) ਵੱਲੋਂ ਦਿੱਤੇ ਟੀਚੇ ਦਾ ਪਿੱਛਾ ਕਰਦਿਆਂ RCB ਨੇ 13.5 ਓਵਰਾਂ ਵਿੱਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 132 ਦੌੜਾਂ ਬਣਾ ਲਈਆਂ ਹਨ। ਟੀਮ ਨੂੰ ਜਿੱਤ ਲਈ ਹੁਣ ਸਿਰਫ਼ 24 ਦੌੜਾਂ 37 ਗੇਂਦਾਂ ਵਿੱਚ ਚਾਹੀਦੀਆਂ ਹਨ।

RCB ਦੀ ਪਾਰੀ ਦੇ ਹੀਰੋ ਵਿਰਾਟ ਕੋਹਲੀ ਰਹੇ, ਜਿਨ੍ਹਾਂ ਨੇ 32 ਗੇਂਦਾਂ ਵਿੱਚ 57 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਉਨ੍ਹਾਂ ਦੀ ਇਸ ਪਾਰੀ ਵਿੱਚ 7 ਚੌਕੇ ਅਤੇ 2 ਛੱਕੇ ਸ਼ਾਮਲ ਰਹੇ। ਕੋਹਲੀ ਨੇ ਸ਼ੁਰੂਆਤੀ ਝਟਕਿਆਂ ਤੋਂ ਬਾਅਦ ਪਾਰੀ ਨੂੰ ਸੰਭਾਲਿਆ ਅਤੇ ਟੀਮ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ।

ਉਨ੍ਹਾਂ ਦੇ ਨਾਲ ਟਿਮ ਡੇਵਿਡ 16 ਗੇਂਦਾਂ ਵਿੱਚ 24 ਦੌੜਾਂ ਬਣਾ ਕੇ ਕ੍ਰੀਜ਼ ‘ਤੇ ਮੌਜੂਦ ਹਨ ਅਤੇ ਤੇਜ਼ੀ ਨਾਲ ਸਕੋਰ ਅੱਗੇ ਵਧਾ ਰਹੇ ਹਨ। ਇਸ ਤੋਂ ਪਹਿਲਾਂ ਰਜਤ ਪਾਟੀਦਾਰ ਅਤੇ ਕ੍ਰੁਣਾਲ ਪੰਡਿਆ ਜਲਦੀ ਆਊਟ ਹੋ ਗਏ ਸਨ, ਪਰ ਕੋਹਲੀ ਦੀ ਸੂਝਬੂਝ ਭਰੀ ਬੱਲੇਬਾਜ਼ੀ ਨੇ RCB ਨੂੰ ਮੈਚ ਵਿੱਚ ਵਾਪਸ ਲਿਆ ਦਿੱਤਾ।

ਗੁਜਰਾਤ ਟਾਈਟਨਜ਼ ਵੱਲੋਂ ਰਾਸ਼ਿਦ ਖਾਨ ਨੇ ਇੱਕ ਵਾਰ ਫਿਰ ਪ੍ਰਭਾਵਸ਼ਾਲੀ ਗੇਂਦਬਾਜ਼ੀ ਕਰਦਿਆਂ 2 ਵਿਕਟਾਂ ਹਾਸਲ ਕੀਤੀਆਂ। ਅਰਸ਼ਦ ਖਾਨ ਨੇ ਵੀ ਯਤਨ ਕੀਤਾ, ਪਰ ਅੰਤਿਮ ਓਵਰਾਂ ਵਿੱਚ RCB ਦੇ ਬੱਲੇਬਾਜ਼ਾਂ ਨੇ ਦਬਾਅ ਨੂੰ ਆਪਣੇ ਹੱਕ ਵਿੱਚ ਬਦਲ ਲਿਆ।

ਮੌਜੂਦਾ ਹਾਲਾਤਾਂ ਨੂੰ ਵੇਖਦੇ ਹੋਏ RCB ਜਿੱਤ ਦੀ ਮਜ਼ਬੂਤ ਦਾਅਵੇਦਾਰ ਨਜ਼ਰ ਆ ਰਹੀ ਹੈ ਅਤੇ ਟੀਮ ਦੇ ਪ੍ਰਸ਼ੰਸਕ ਆਪਣੇ ਪਹਿਲੇ IPL ਖ਼ਿਤਾਬ ਦੀ ਉਡੀਕ ਕਰ ਰਹੇ ਹਨ। 🏏🏆