ਕਪੂਰਥਲਾ,(ਨਵੀਨ ਪੂਰੀ)- ਰਾਸ਼ਟਰੀ ਸੁਰੱਖਿਆ ਦੇ ਲਿਹਾਜ਼ ਨਾਲ ਪੰਜਾਬ ਇਕ ਸੰਵੇਦਨਸ਼ੀਲ ਸੂਬਾ ਹੈ। ਸੂਬੇ ਦੀ 553 ਕਿਲੋਮੀਟਰ ਲੰਬੀ ਸਰਹੱਦ ਪਾਕਿਸਤਾਨ ਨਾਲ ਲਗਦੀ ਹੈ, ਜਿੱਥੋਂ ਨਿੱਤ ਦਿਨ ਘੁਸਪੈਠ ਹੁੰਦੀ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਨਸ਼ੀਲੇ ਪਦਾਰਥਾਂ ਤੇ ਹਥਿਆਰਾਂ ਦੀ ਤਸਕਰੀ ਵੀ ਨਿੱਤ ਹੋ ਰਹੀ ਹੈ। ਨਸ਼ੇ ਕਾਰਨ ਪੰਜਾਬ ਦੇ ਨੌਜਵਾਨ ਵੱਡੀ ਗਿਣਤੀ ’ਚ ਪ੍ਰਭਾਵਿਤ ਹੋਏ ਹਨ। ਇਸ ਨੂੰ ਰੋਕਣ ਲਈ ਬੇਸ਼ੱਕ ਬੀ.ਐੱਸ.ਐੱਫ. ਦਾ ਘੇਰੇ ਨੂੰ ਕੇਂਦਰ ਸਰਕਾਰ ਨੇ 15 ਤੋਂ ਵਧਾ ਕੇ 50 ਕਿਲੋਮੀਟਰ ਕਰ ਦਿੱਤਾ ਹੈ ਪਰ ਸਰਹੱਦ ਪਾਰੋਂ ਤਸਕਰੀ ਦੀ ਨਾਪਾਕ ਖੇਡ ਜਾਰੀ ਹੈ। ਅਸਲ ’ਚ ਖ਼ਤਰਾ ਕੰਡਿਆਲੀ ਤਾਰ ਤੋਂ ਹੇਠੋਂ ਹੋਣ ਵਾਲੀ ਤਸਕਰੀ ਦਾ ਨਹੀਂ, ਬਲਕਿ ਡਰੋਨ ਰਾਹੀਂ ਹੋ ਰਹੀ ਤਸਕਰੀ ਦਾ ਹੈ। ਦੋ ਸਾਲ ’ਚ ਪੰਜਾਬ ਚ ਡਰੋਨ ਰਾਹੀਂ ਹਥਿਆਰਾਂ ਤੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਵਧ ਗਈ ਹੈ। ਹਥਿਆਰਾਂ ਨੂੰ ਪੰਜਾਬ ’ਚ ਅਸਮਾਜਿਕ ਅਨਸਰਾਂ ਕੋਲ ਪਹੁੰਚਾ ਕੇ ਦੇਸ਼ ਨੂੰ ਅਸਥਿਰ ਕਰਨ ਜਿਹੇ ਯਤਨ ਕੀਤੇ ਜਾ ਰਹੇ ਹਨ, ਜੋ ਪੰਜਾਬ ਲਈ ਹੀ ਨਹੀਂ, ਬਲਕਿ ਦੇਸ਼ ਲਈ ਵੀ ਚਿੰਤਾ ਦਾ ਵਿਸ਼ਾ ਬਣੇ ਹੋਏ ਹਨ। ਪੰਜਾਬ ਨਸ਼ੇ ਨੂੰ ਲੈ ਕੇ ਹਰ ਪਾਸੇ ਇੱਕ ਵੱਡੀ ਚਿੰਤਾ ਦਾ ਵਿਸ਼ਾ ਬਣ ਚੁੱਕਿਆ ਹੈ ਤਾਂ ਉਸ ਵਿੱਚ ਹਰ ਕੋਈ ਅਪਨੀ ਰਾਏ ਰੱਖ ਰਿਹਾ ਹੈ, ਤਾਂਕਿ ਸਰਕਾਰ ਅਤੇ ਪ੍ਰਸ਼ਾਸਨ ਇਸ ਪਾਸੇ ਧਿਆਨ ਦੇਵੇ।ਪੰਜਾਬੀ ਜਾਗਰਣ ਨਾਲ ਗੱਲਬਾਤ ਕਰਦੇ ਹੋਏ ਸੀਨੀਅਰ ਕਾਂਗਰਸੀ ਆਗੂ ਕੁਲਦੀਪ ਸਿੰਘ ਨੇ ਆਪਣੇ ਵਿਚਾਰ ਰੱਖਦੇ ਹੋਏ ਕਿਹਾ ਕਿ ਪੰਜਾਬ ਵਿੱਚ ਨਸ਼ਾ ਛੁਡਵਾਓ ਕੇਂਦਰਾਂ ਦੀ ਜਗ੍ਹਾ ਸਰਕਾਰ ਨੂੰ ਸਪੋਰਟਸ ਸਟੇਡਿਅਮ ਬਣਾਉਣ ਦੇ ਵੱਲ ਧਿਆਨ ਦੇਣਾ ਚਾਹੀਦਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਵਿੱਚ ਨਸ਼ਾ ਜ਼ਿਆਦਾ ਹੈ ਲੇਕਿਨ ਇਹ ਨਹੀਂ ਹੈ ਕਿ ਹੋਰ ਸੂਬਿਆਂ ਵਿਚ ਨਸ਼ਾ ਨਹੀਂ ਹੈ ਨਸ਼ੇ ਦੀ ਸਮੱਸਿਆ ਪੂਰੇ ਦੇਸ਼ ਭਰ ਵਿੱਚ ਹੈ ਨਾਲ ਹੀ ਕੁਲਦੀਪ ਸਿੰਘ ਨੇ ਸਰਕਾਰ ਨੂੰ ਅਪੀਲ ਕੀਤੀ ਕਿ ਨਸ਼ੇ ਨੂੰ ਖਤਮ ਕਰਣ ਲਈ ਨਸ਼ਾ ਛੁਡਵਾਓ ਕੇਂਦਰ ਨਹੀਂ ਸਗੋਂ ਸਪੋਰਟਸ ਸਟੇਡਿਅਮ ਬਣਾਉਣੇ ਚਾਹੀਦੇ ਹਨ,ਤਾਂਕਿ ਨੌਜਵਾਨ ਖੇਡਾਂ ਦੀ ਤਰਫ ਪ੍ਰੇਰਿਤ ਹੋਣ ਨਾਲ ਹੀ ਕੁਲਦੀਪ ਸਿੰਘ ਨੇ ਇਹ ਵੀ ਕਿਹਾ ਕਿ ਅੱਜ ਦੇ ਸ਼ਮੇ ਵਿੱਚ ਖੇਡਾਂ ਦੇ ਵਿੱਚ ਨੌਜਵਾਨ ਜਾਣਾ ਇਸ ਲਈ ਵੀ ਪਸੰਦ ਨਹੀਂ ਕਰਦੇ ਕਿ ਅਖੀਰ ਸਰਕਾਰਾਂ ਦੇ ਵੱਲੋਂ ਪੱਕਾ ਨਹੀਂ ਕੀਤਾ ਗਿਆ ਹੈ ਕਿ ਖਿਡਾਰੀਆਂ ਨੂੰ ਨੌਕਰੀ ਦਿੱਤੀ ਜਾਵੇਗੀ ਜਦੋਂ ਕਿ ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਨੌਜਵਾਨਾਂ ਦਾ ਦੌਰ ਖੇਡਾਂ ਦੇ ਵੱਲ ਜ਼ਿਆਦਾ ਵਧੇਗਾ।ਉਨ੍ਹਾਂ ਨੇ ਮਾਪਿਆਂ ਨੂੰ ਵੀ ਕਿਹਾ ਕਿ ਅੱਜਕੱਲ੍ਹ ਮਾਂ ਬਾਪ ਬੱਚਿਆਂ ਨੂੰ ਪੜਾਈ ਦੀ ਤਰਫ ਜ਼ਿਆਦਾ ਪ੍ਰੇਰਿਤ ਕਰਦੇ ਹਨ ਅਤੇ ਬੱਚੇ ਜਦੋਂ ਪੜ ਲਿਖ ਜਾਂਦੇ ਹਨ ਤਾਂ ਉਨ੍ਹਾਂ ਦਾ ਧਿਆਨ ਖੇਡਾਂ ਦੇ ਵੱਲ ਨਹੀਂ ਜਾਂਦਾ ਹੈ,ਜੋ ਕਿ ਠੀਕ ਨਹੀਂ ਸਗੋਂ ਬੱਚਿਆਂ ਨੂੰ ਖੇਡਾਂ ਦੇ ਵੱਲ ਵੀ ਪ੍ਰੇਰਿਤ ਕਰਣਾ ਚਾਹੀਦਾ ਹੈ,ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਇਸਦੇ ਲਈ ਸਿਰਫ ਸਰਕਾਰ ਜਾਂ ਪੁਲਿਸ ਜ਼ਿੰਮੇਦਾਰ ਨਹੀਂ ਸਗੋਂ ਪੂਰਾ ਪੰਜਾਬ ਜ਼ਿੰਮੇਦਾਰ ਹੈ,ਸਾਰੀਆਂ ਨੂੰ ਆਪਣਾ ਰੋਲ ਅਦਾ ਕਰਣਾ ਚਾਹੀਦਾ ਹੈ,ਉਦੋਂ ਨਸ਼ੇ ਤੋਂ ਛੁਟਕਾਰਾ ਮਿਲ ਸਕਦਾ ਹੈ,ਕਿਉਂਕਿ ਨਸ਼ਾ ਕਿਸੇ ਨੂੰ ਜਬਰਦਸਤੀ ਨਹੀਂ ਲੱਗਦਾ ਅਤੇ ਨਾਲ ਹੀ ਕੁਲਦੀਪ ਸਿੰਘ ਨੇ ਪੰਜਾਬ ਦੇ ਨੌਜਵਾਨਾਂ ਨੂੰ ਅਪੀਲ ਵੀ ਕੀਤੀ ਕਿ ਉਹ ਨਸ਼ਾ ਨਾ ਕਰਨ ਇਸਤੋਂ ਆਪਣੀ ਤਾਂ ਜਿੰਦਗੀ ਨੂੰ ਖ਼ਰਾਬ ਕਰਦੇ ਹੀ ਹਨ ਨਾਲ ਹੀ ਪਿੱਛੇ ਆਪਣੇ ਪੂਰੇ ਪਰਿਵਾਰ ਨੂੰ ਇਸ ਤੋਂ ਪੀੜਿਤ ਕਰਦੇ ਹਨ।