Skip to content
ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਦੂਜੇ ਸ਼ਹਿਰਾਂ ਵਿੱਚ ਰਹਿੰਦੇ ਮਜ਼ਦੂਰਾਂ ਨੂੰ ਆਪਣੇ ਪਿੰਡਾਂ ਤੱਕ ਪਹੁੰਚਣ ਵਿੱਚ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਟਰੇਨਾਂ ‘ਚ ਇੰਨਾ ਭੀੜ-ਭੜੱਕਾ ਹੁੰਦਾ ਹੈ ਕਿ ਪਰਿਵਾਰ ਸਮੇਤ ਸਫਰ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ ਅਤੇ ਕਈ ਸ਼ਹਿਰ ਵਿਚ ਐਕਸਪ੍ਰੈਸਵੇਅ ਨਾ ਹੋਣ ਕਾਰਨ ਸੜਕੀ ਸਫਰ ਕਰਨ ‘ਚ ਕਾਫੀ ਸਮਾਂ ਲੱਗ ਜਾਂਦਾ ਹੈ। ਪਰ ਅਗਲੀ ਵਾਰ ਤਿਉਹਾਰ ਦੇ ਦੌਰਾਨ ਕਈ ਸ਼ਹਿਰਾਂ ਲਈ ਸੜਕ ਰਾਹੀਂ ਯਾਤਰਾ ਕਰਨਾ ਆਸਾਨ ਹੋ ਜਾਵੇਗਾ। ਹੋਲੀ ਨੇੜੇ ਤਿੰਨ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ ਤਿਆਰ ਹੋਣਗੇ, ਜਿਨ੍ਹਾਂ ਦਾ ਨਿਰਮਾਣ ਅੰਤਿਮ ਪੜਾਅ ਉਤੇ ਹੈ।ਸੜਕ ਆਵਾਜਾਈ ਮੰਤਰਾਲਾ ਦੇਸ਼ ਭਰ ਵਿੱਚ ਪੰਜ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ ਦਾ ਨਿਰਮਾਣ ਕਰ ਰਿਹਾ ਹੈ। ਇਨ੍ਹਾਂ ਵਿੱਚੋਂ ਤਿੰਨ ਦਾ ਕੰਮ ਅਗਲੇ ਸਾਲ ਮਾਰਚ ਤੱਕ ਮੁਕੰਮਲ ਹੋ ਜਾਵੇਗਾ ਅਤੇ ਦੋ ਮਾਰਚ 2026 ਤੱਕ ਬਣ ਕੇ ਤਿਆਰ ਹੋ ਜਾਣਗੇ। ਮੰਤਰਾਲੇ ਨੇ ਸਾਰੇ ਪੰਜ ਐਕਸਪ੍ਰੈਸਵੇਅ ‘ਤੇ ਕੰਮ ਪੂਰਾ ਕਰਨ ਦੀ ਸਮਾਂ ਸੀਮਾ ਤੈਅ ਕੀਤੀ ਹੈ। ਹਾਲਾਂਕਿ ਐਕਸਪ੍ਰੈੱਸ ਵੇਅ ਦਾ ਕੁਝ ਹਿੱਸਾ ਤਿਆਰ ਹੋ ਗਿਆ ਹੈ, ਇਸ ਨੂੰ ਵਾਹਨ ਚਾਲਕਾਂ ਲਈ ਖੋਲ੍ਹਿਆ ਜਾ ਰਿਹਾ ਹੈ।ਇਹ ਪੰਜ ਐਕਸਪ੍ਰੈਸਵੇਅ ਹਨਦਿੱਲੀ-ਮੁੰਬਈ (1386 ਕਿਲੋਮੀਟਰ), ਅਹਿਮਦਾਬਾਦ-ਧੋਲੇਰਾ (109 ਕਿਲੋਮੀਟਰ), ਬੈਂਗਲੁਰੂ-ਚੇਨਈ (262 ਕਿਲੋਮੀਟਰ), ਲਖਨਊ-ਕਾਨਪੁਰ (63 ਕਿਲੋਮੀਟਰ) ਅਤੇ ਦਿੱਲੀ-ਅੰਮ੍ਰਿਤਸਰ-ਕਟੜਾ (669 ਕਿਲੋਮੀਟਰ)। ਇਨ੍ਹਾਂ ਵਿੱਚੋਂ ਤਿੰਨ ਐਕਸਪ੍ਰੈਸਵੇਅ ਦਿੱਲੀ-ਮੁੰਬਈ, ਅਹਿਮਦਾਬਾਦ-ਧੋਲੇਰਾ, ਬੈਂਗਲੁਰੂ-ਚੇਨਈ ਮਾਰਚ 2024 ਤੋਂ ਪਹਿਲਾਂ ਤਿਆਰ ਹੋ ਜਾਣਗੇ, ਜਦਕਿ ਲਖਨਊ-ਕਾਨਪੁਰ ਅਤੇ ਦਿੱਲੀ-ਅੰਮ੍ਰਿਤਸਰ-ਕਟੜਾ 2026 ਦੇ ਸ਼ੁਰੂ ਤੱਕ ਤਿਆਰ ਹੋ ਜਾਣਗੇ। ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ ਦੀ ਕੁੱਲ ਲੰਬਾਈ 2489 ਕਿਲੋਮੀਟਰ ਹੈ।ਦਿੱਲੀ ਮੁੰਬਈ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅਨੈਸ਼ਨਲ ਅਥਾਰਟੀ ਆਫ਼ ਇੰਡੀਆ (NHAI) ਦੇ ਅਨੁਸਾਰ 1,386 ਕਿਲੋਮੀਟਰ ਲੰਬੇ ਦਿੱਲੀ-ਮੁੰਬਈ ਐਕਸਪ੍ਰੈਸਵੇਅ ਉਤੇ ਲਗਭਗ 90 ਪ੍ਰਤੀਸ਼ਤ ਕੰਮ ਪੂਰਾ ਹੋ ਗਿਆ ਹੈ, ਜਿਸ ਨਾਲ ਇਹ ਦੇਸ਼ ਦਾ ਸਭ ਤੋਂ ਲੰਬਾ ਐਕਸਪ੍ਰੈਸਵੇਅ ਬਣ ਗਿਆ ਹੈ। ਬਾਕੀ ਰਹਿੰਦੇ ਕੰਮ ਵੀ ਨਿਰਧਾਰਤ ਸਮੇਂ ਅੰਦਰ ਮੁਕੰਮਲ ਕਰ ਲਏ ਜਾਣਗੇ। ਦਿੱਲੀ ਤੋਂ ਵਡੋਦਰਾ (845 ਕਿਲੋਮੀਟਰ) ਤੱਕ ਇਸ ਐਕਸਪ੍ਰੈਸਵੇ ਦਾ ਕੰਮ ਲਗਭਗ ਪੂਰਾ ਹੋ ਗਿਆ ਹੈ, ਇਹ ਮਾਰਚ 2024 ਤੱਕ ਤਿਆਰ ਹੋ ਜਾਵੇਗਾ।ਅਹਿਮਦਾਬਾਦ-ਧੋਲੇਰਾ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ109 ਕਿ.ਮੀ. ਲੰਬਾ ਅਹਿਮਦਾਬਾਦ ਧੋਲੇਰਾ ਐਕਸਪ੍ਰੈਸਵੇਅ ਸਰਖੇਜ ਨੇੜੇ ਸਰਦਾਰ ਪਟੇਲ ਰਿੰਗ ਰੋਡ ਤੋਂ ਸਾਬਰਮਤੀ, ਖੰਭਾਤ ਤੋਂ ਹੋ ਕੇ ਧੋਲੇਰਾ, ਅਧੇਲਾਈ, ਭਾਵਨਗਰ ਤੱਕ ਜਾਵੇਗਾ। ਇਸ ਦੀ ਲਾਗਤ 3,500 ਕਰੋੜ ਰੁਪਏ ਹੈ। ਮਾਰਚ 2024 ਤੱਕ ਤਿਆਰ ਹੋ ਜਾਵੇਗਾ।ਬੈਂਗਲੁਰੂ-ਚੇਨਈ ਗ੍ਰੀਨ ਫੀਲਡ ਐਕਸਪ੍ਰੈਸਵੇਅ262 km.km ਐਕਸਪ੍ਰੈਸਵੇਅ ਹੋਸਕੋਟੇ, ਕਰਨਾਟਕ ਤੋਂ ਸ਼ੁਰੂ ਹੋ ਕੇ ਤਾਮਿਲਨਾਡੂ ਦੇ ਸ਼੍ਰੀਪੇਰੰਬਦੂਰ ਤੱਕ ਪਹੁੰਚੇਗਾ। ਆਂਧਰਾ ਪ੍ਰਦੇਸ਼, ਤਾਮਿਲਨਾਡੂ ਅਤੇ ਕਰਨਾਟਕ ਰਾਜਾਂ ਨੂੰ ਜੋੜਨ ਵਾਲਾ ਬੈਂਗਲੁਰੂ-ਚੇਨਈ ਐਕਸਪ੍ਰੈਸ ਵੇਅ, ਰਾਜਾਂ ਦੇ ਅੰਦਰ ਯਾਤਰਾ ਦਾ ਸਮਾਂ ਘਟਾਏਗਾ।ਕਾਨਪੁਰ ਲਖਨਊ ਅਤੇ ਦਿੱਲੀ ਕਟੜਾਇਨ੍ਹਾਂ ਦੋਵਾਂ ਐਕਸਪ੍ਰੈਸ ਵੇਅ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਦੋਵੇਂ ਮਾਰਚ 2025 ਵਿੱਚ ਪੂਰੀ ਤਰ੍ਹਾਂ ਤਿਆਰ ਹੋ ਜਾਣਗੇ। ਪਰ ਜਿਵੇਂ-ਜਿਵੇਂ ਹਿੱਸਾ ਤਿਆਰ ਹੋ ਰਿਹਾ ਹੈ, ਇਸ ਨੂੰ ਜਨਤਾ ਲਈ ਖੋਲ੍ਹਿਆ ਜਾ ਰਿਹਾ ਹੈ। ਦਿੱਲੀ ਅੰਮ੍ਰਿਤਸਰ ਐਕਸਪ੍ਰੈਸ ਵੇਅ ਦਾ ਪੰਜਾਬ ਤੱਕ ਦਾ ਹਿੱਸਾ ਤਿਆਰ ਹੈ ਅਤੇ ਜਲਦੀ ਹੀ ਖੋਲ੍ਹ ਦਿੱਤਾ ਜਾਵੇਗਾ।Related
