ਇਨ੍ਹਾਂ ਮੋਬਾਈਲ ਫੋਨਾਂ ‘ਚ ਬੰਦ ਹੋਵੇਗਾ WhatsApp, ਜਾਣੋ ਪੂਰੀ ਜਾਣਕਾਰੀ

ਇਨ੍ਹਾਂ ਮੋਬਾਈਲਾਂ ‘ਤੇ ਨਹੀਂ ਚੱਲੇਗਾ WhatsApp, 8 ਸਤੰਬਰ ਤੋਂ ਲਾਗੂ ਹੋਵੇਗਾ ਨਵਾਂ ਨਿਯਮ

ਅੱਜ ਦੇ ਸਮੇਂ ਵਿੱਚ WhatsApp ਸਾਡੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਚੁੱਕਾ ਹੈ। ਚਾਹੇ ਦੋਸਤਾਂ ਨਾਲ ਗੱਲਬਾਤ ਕਰਨੀ ਹੋਵੇ, ਦਫ਼ਤਰੀ ਕੰਮ ਨਿਪਟਾਉਣਾ ਹੋਵੇ ਜਾਂ ਪਰਿਵਾਰ ਨਾਲ ਵੀਡੀਓ ਕਾਲ ਕਰਨੀ ਹੋਵੇ, ਹਰ ਕੰਮ ਲਈ WhatsApp ਦੀ ਵਰਤੋਂ ਕੀਤੀ ਜਾਂਦੀ ਹੈ। ਆਪਣੀ ਸੁਰੱਖਿਆ ਅਤੇ ਨਵੇਂ ਫੀਚਰਾਂ ਨੂੰ ਬਿਹਤਰ ਬਣਾਉਣ ਲਈ ਕੰਪਨੀ ਸਮੇਂ-ਸਮੇਂ ‘ਤੇ ਅਪਡੇਟ ਲਿਆਉਂਦੀ ਰਹਿੰਦੀ ਹੈ।

ਹੁਣ WhatsApp ਨੇ ਇੱਕ ਵੱਡਾ ਫੈਸਲਾ ਲੈਂਦੇ ਹੋਏ ਐਲਾਨ ਕੀਤਾ ਹੈ ਕਿ 8 ਸਤੰਬਰ 2026 ਤੋਂ ਕੁਝ ਪੁਰਾਣੇ ਐਂਡਰਾਇਡ ਫੋਨਾਂ ‘ਤੇ ਐਪ ਕੰਮ ਕਰਨਾ ਬੰਦ ਕਰ ਦੇਵੇਗੀ। ਕੰਪਨੀ ਦੇ ਅਨੁਸਾਰ, ਐਂਡਰਾਇਡ 6.0 (Marshmallow) ਤੋਂ ਪੁਰਾਣੇ ਵਰਜਨਾਂ ਲਈ ਸਮਰਥਨ ਖਤਮ ਕੀਤਾ ਜਾ ਰਿਹਾ ਹੈ। ਇਸ ਕਾਰਨ ਐਂਡਰਾਇਡ 5.0 ਅਤੇ 5.1 ‘ਤੇ ਚੱਲਣ ਵਾਲੇ ਲੱਖਾਂ ਸਮਾਰਟਫੋਨ WhatsApp ਦੀ ਸੇਵਾ ਤੋਂ ਵਾਂਝੇ ਹੋ ਜਾਣਗੇ।

WhatsApp ਵੱਲੋਂ ਪ੍ਰਭਾਵਿਤ ਯੂਜ਼ਰਾਂ ਨੂੰ ਇਨ-ਐਪ ਅਲਰਟ ਭੇਜੇ ਜਾ ਰਹੇ ਹਨ ਤਾਂ ਜੋ ਉਹ ਸਮੇਂ ਸਿਰ ਆਪਣੇ ਡਾਟਾ ਦੀ ਸੁਰੱਖਿਆ ਕਰ ਸਕਣ। ਕੰਪਨੀ ਨੇ ਯੂਜ਼ਰਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਆਪਣੀਆਂ ਚੈਟਾਂ ਦਾ ਬੈਕਅੱਪ ਗੂਗਲ  ਜਾਂ ਲੋਕਲ ਸਟੋਰੇਜ ਵਿੱਚ ਜ਼ਰੂਰ ਸੇਵ ਕਰ ਲੈਣ।

ਹਾਲਾਂਕਿ iPhone ਵਰਤੋਂਕਾਰਾਂ ਲਈ ਰਾਹਤ ਦੀ ਖ਼ਬਰ ਹੈ। iOS 15.1 ਜਾਂ ਇਸ ਤੋਂ ਉੱਚੇ ਵਰਜਨ ‘ਤੇ ਚੱਲਣ ਵਾਲੇ iPhone ਵਿੱਚ WhatsApp ਪਹਿਲਾਂ ਵਾਂਗ ਕੰਮ ਕਰਦਾ ਰਹੇਗਾ।

ਇਸ ਦੇ ਨਾਲ ਹੀ WhatsApp ‘ਨੋਟੀਫਿਕੇਸ਼ਨ ਬਬਲ’ ਵਰਗੇ ਨਵੇਂ ਫੀਚਰ ‘ਤੇ ਵੀ ਕੰਮ ਕਰ ਰਿਹਾ ਹੈ, ਜਿਸ ਨਾਲ ਯੂਜ਼ਰਾਂ ਨੂੰ ਚੈਟਿੰਗ ਅਤੇ ਮਲਟੀਟਾਸਕਿੰਗ ਦਾ ਹੋਰ ਬਿਹਤਰ ਤਜਰਬਾ ਮਿਲੇਗਾ।