Skip to content
ਤਰਨਤਾਰਨ ਦੇ ਪਿੰਡ ਸਭਰਾ ਵਿੱਚ ਦੁਖਦਾਈ ਘਟਨਾ ਵਾਪਰੀ ਹੈ ਜਿਥੇ ਬਿਜਲੀ ਦੀ ਤਾਰ ਟੁੱਟਣ ਨਾਲ ਹਰਬਖਸ਼ ਸਿੰਘ 24 ਸਾਲ ਨੌਜਵਾਨ ਦੀ ਕਰੰਟ ਲੱਗਣ ਕਾਰਨ ਮੌਤ ਹੋਈ ਹੈ। ਬੀਤੀ ਰਾਤ ਆਈ ਹਨ੍ਹੇਰੀ ਕਾਰਨ ਬਿਜਲੀ ਵਾਲੀ ਤਾਰ ਟੁੱਟੀ ਸੀ।
ਕਣਕ ਨੂੰ ਅੱਗ ਲੱਗਣ ਦੇ ਖਤਰੇ ਕਾਰਨ ਨੌਜਵਾਨ ਖੇਤ ਵਿਚ ਪੁੱਜਾ ਸੀ ਪਰ ਅਚਾਨਕ ਹੀ ਉਕਤ ਨੌਜਵਾਨ ਦਾ ਪੈਰ ਨੰਗੀ ਬਿਜਲੀ ਵਾਲੀ ਤਾਰ ‘ਤੇ ਆ ਗਿਆ ਜਿਸ ਕਾਰਨ ਉਸਨੂੰ ਕਰੰਟ ਲੱਗ ਗਿਆ ਅਤੇ ਉਕਤ ਨੌਜਵਾਨ ਨੇ ਖੇਤਾਂ ਵਿਚ ਦੀ ਦਮ ਤੋੜ ਦਿੱਤਾ ਪਰਿਵਾਰ ਨੇ ਕਿਹਾ ਇਸ ਵਿਚ ਬਿਜਲੀ ਵਿਭਾਗ ਦੀ ਅਣਗਹਿਲੀ ਹੈ ਜਿਨ੍ਹਾਂ ਨੇ ਸਮੇਂ ਸਿਰ ਤਾਰਾਂ ਦੀ ਰਿਪੇਅਰ ਨਹੀਂ ਕੀਤੀ।
ਮੌਕੇ ‘ਤੇ ਪੁੱਜੇ ਬਿਜਲੀ ਮੁਲਾਜ਼ਮ ਨੇ ਕਿਹਾ ਕਿ ਰਾਤ ਹਨ੍ਹੇਰੀ ਆਉਣ ਕਰਕੇ ਬਿਜਲੀ ਬੰਦ ਕੀਤੀ ਗਈ ਸੀ ਅਤੇ ਟਰਾਈ ਲੈਣ ਲਈ ਬਿਜਲੀ ਛੱਡੀ ਗਈ ਸੀ ਕਿ ਅਚਾਨਕ ਤਾਰ ਟੁੱਟ ਕੇ ਥੱਲੇ ਡਿੱਗ ਪਈ ਜਿਸ ਕਰਕੇ ਇਹ ਘਟਨਾ ਵਾਪਰ ਗਈ।
Related
