ਜਲੰਧਰ (ਵਿੱਕੀ ਸੂਰੀ ) ਇਹ ਰੋਂਦੀ ਕੁਰਲਾਉਂਦੀ ਹੋਈ ਮਹਿਲਾ ਉਸ ਮਾਸੂਮ ਬੱਚੇ ਦੀ ਮਾਂ ਹੈ ਜਿਸ ਦੇ 3 ਸਾਲ ਦੇ ਪੁੱਤ ਦੀ ਟਰੱਕ ਦੇ ਹੇਠਾਂ ਆਉਣ ਕਾਰਨ ਮੌਤ ਹੋਈ ਹੈ। 3 ਸਾਲ ਦਾ ਮਾਸੂਮ ਧਰਮਵੀਰ ਆਪਣੇ ਪਿਤਾ ਦੇ ਨਾਲ ਰਾਹ ‘ਤੇ ਜਾ ਰਿਹਾ ਸੀ ਅਤੇ ਕੁਝ ਸਮਾਨ ਲੈਣ ਲਈ ਉਸ ਦੇ ਪਿਤਾ ਇੱਕ ਡਾਬੇ ਵਿਖੇ ਰੁੱਕ ਗਏ। ਇੰਨ੍ਹੀਂ ਦੇਰ ਨੂੰ ਹੀ ਪਿੱਛੋਂ ਆ ਰਹੇ ਇੱਕ ਸਲੰਡਰ ਨਾਲ ਭਰੇ ਤੇਜ਼ ਹਫਤਾਰ ਟਰੱਕ ਨੇ 3 ਸਾਲਾਂ ਦੇ ਮਾਸੂਮ ਨੂੰ ਕੁਚਲ ਦਿੱਤਾ, ਜਿਸ ਕਾਰਨ ਬੱਚੇ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।
ਤਿੰਨ ਸਾਲ ਦੇ ਮਾਸੂਮ ਦੀ ਮੌਤ ਦੀ ਖਬਰ ਸੁਣਦਿਆਂ ਹੀ ਮਾਂ ਦੇ ਪੈਰਾਂ ਦੇ ਹੇਠੋਂ ਜ਼ਮੀਨ ਖਿਸਕ ਗਈ ਅਤੇ ਉਸਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਇਹ ਛੋਟਾ ਬੱਚਾ ਪਰਿਵਾਰ ਦਾ ਰਾਜ ਦੁਲਾਰਾ ਸੀ ਅਤੇ ਆਪਣੇ ਜਿਗਰ ਦੇ ਟੁਕੜੇ ਦੀ ਅੱਖਾਂ ਸਾਹਮਣੇ ਹੀ ਮੌਤ ਨੂੰ ਹੁੰਦਿਆਂ ਦੇਖ, ਪਿਉ ਦਾ ਦਿਲ ਵੀ ਵਲੂੰਦਰਿਆ ਗਿਆ।
ਇਹ ਖਬਰ ਜਲੰਧਰ ਤੋਂ ਦੱਸੀ ਜਾ ਰਹੀ ਹੈ ਜਿੱਥੇ ਕਿ ਵਡਾਲਾ ਚੌਂਕ ਵਿਖੇ ਹਾਦਸਾ ਵਾਪਰਿਆ ਹੈ ਅਤੇ ਤਿੰਨ ਸਾਲਾਂ ਦੇ ਮਾਸੂਮ ਬੱਚੇ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਤੁਹਾਨੂੰ ਦੱਸ ਦਈਏ ਕਿ ਮ੍ਰਿਤਕ ਬੱਚਾ ਧਰਮਵੀਰ ਆਪਣੇ ਪਿਤਾ ਦੇ ਨਾਲ ਸੜਕ ਕਿਨਾਰੇ ਜਾ ਰਿਹਾ ਸੀ ਅਤੇ ਪਿੱਛੋਂ ਆ ਰਹੇ ਤੇਜ਼ ਟਰੱਕ ਨੇ ਉਸਨੂੰ ਦਰੜ ਦਿੱਤਾ, ਜਿਸ ਕਾਰਨ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।ਪੁਲਿਸ ਦੇ ਵੱਲੋਂ ਟਰੱਕ ਚਾਲਕ ਨੂੰ ਹਿਰਾਸਤ ਦੇ ਵਿੱਚ ਲੈ ਲਿਆ ਗਿਆ ਹੈ ਪਰ ਉੱਥੇ ਹੀ ਚਾਲਕ ਦਾ ਕਹਿਣਾ ਹੈ ਕਿ ਉਹ ਆਪਣੀ ਰਫਤਾਰ ਦੇ ਵਿੱਚ ਆ ਰਿਹਾ ਸੀ ਅਤੇ ਇਹ ਬੱਚਾ ਅਚਾਨਕ ਹੀ ਘਬਰਾ ਕੇ ਟਰੱਕ ਦੇ ਅੱਗੇ ਆ ਗਿਆ, ਜਿਸ ਤੋਂ ਬਾਅਦ ਉਸਦੀ ਟਰੱਕ ਦੇ ਪਿੱਛਲੇ ਟਾਇਰ ਦੇ ਹੇਠਾਂ ਆਉਣ ਦੇ ਕਾਰਨ ਮੌਤ ਹੋ ਗਈ। ਦੂਸਰੇ ਪਾਸੇ ਪਰਿਵਾਰ ਦਾ ਰੋ-ਰੋ ਕੇ ਬੁਰਾ ਹਾਲ ਹੋਇਆ ਪਿਆ ਹੈ ਅਤੇ ਬੱਚੇ ਦੀ ਮਾਂ ਤਾਂ ਸੜਕ ‘ਤੇ ਹੀ ਲੇਟ ਕੇ ਆਪਣੇ ਪੁੱਤ ਦੀ ਯਾਦ ‘ਚ ਰੋ ਰਹੀ ਹੈ। ਪੁਲਿਸ ਦੇ ਵੱਲੋਂ ਟਰੱਕ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਮਾਮਲਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।