ਗ੍ਰੀਨ ਮਾਡਲ ਟਾਊਨ ’ਚ ਨਾਰਾਇਣ ਦਿਨ ਦਿਆਲ ਸੰਕੀਰਤਨ ਨਾਲ ਸਜੀ ਪ੍ਰਭਾਤਫੇਰੀ, ਠਾਕੁਰ ਜੀ ਦੀ ਆਰਤੀ ਨਾਲ ਹੋਈ ਸੰਪੰਨ – ਗੋਬਿੰਦ ਸ਼ਰਮਾ ਤੇ ਯਾਂਕਿਲ ਕੋਹਲੀ

ਸ੍ਰੀ ਗੌਰ ਹਰਿ ਸੰਕੀਰਤਨ ਮੰਡਲ ਵੱਲੋਂ ਕਾਰਤਿਕ ਮਹੀਨੇ ਦੀ ਪਾਵਨ ਪ੍ਰਭਾਤਫੇਰੀ ਦਾ ਆਯੋਜਨ

ਚੱਢਾ ਨਿਵਾਸ ਤੋਂ ਸ਼ੁਰੂ ਹੋਈ ਪ੍ਰਭਾਤਫੇਰੀ ਦੌਰਾਨ ਹਰਿਨਾਮ ਸੰਕੀਰਤਨ ਨਾਲ ਗੂੰਜਿਆ ਸਮੁੱਚਾ ਇਲਾਕਾ, ਭਗਤਾਂ ਨੇ ਨੱਚ-ਗਾ ਕੇ ਮਨਾਇਆ ਭਗਤੀ ਦਾ ਉਤਸਵ

ਜਲੰਧਰ (ਨਵੀਨ ਪੁਰੀ) : ਸ੍ਰੀ ਗੌਰ ਹਰਿ ਸੰਕੀਰਤਨ ਮੰਡਲ ਵੱਲੋਂ ਸ਼ੁਭ ਮੰਗਲਮਈ ਕਾਰਤਿਕ ਮਹੀਨੇ ਦੀ ਪਾਵਨ ਬੇਲਾ ਮੌਕੇ ਪ੍ਰਭਾਤਫੇਰੀ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰਭਾਤਫੇਰੀ ਦੀ ਸੇਵਾ ਧਰਮਵੀਰ ਚੱਢਾ ਪਰਿਵਾਰ ਵੱਲੋਂ ਕੀਤੀ ਗਈ। ਪ੍ਰਭਾਤਫੇਰੀ ਦੌਰਾਨ ਹਰਿਨਾਮ ਸੰਕੀਰਤਨ ਦੀ ਮਿੱਠੀ ਗੂੰਜ ਨਾਲ ਸਮੁੱਚਾ ਇਲਾਕਾ ਭਗਤੀਮਈ ਹੋ ਗਿਆ ਅਤੇ ਸ਼ਰਧਾਲੂਆਂ ਨੇ ਬ੍ਰਜਧਾਮ ਵਰਗੇ ਅਨੰਦ ਦਾ ਅਨੁਭਵ ਕੀਤਾ।

ਸੰਕੀਰਤਨ ਦਾ ਸ਼ੁਭ ਆਰੰਭ ਵਿਸ਼ਾਲ ਢੱਲ, ਤਾਪਸ ਪ੍ਰਭੂ, ਆਦਰਵ ਸ਼ਰਮਾ, ਹਰਸ਼ ਸ਼ਰਮਾ, ਗੋਬਿੰਦ ਸ਼ਰਮਾ, ਵਿਪੁਲ ਸਿਸੋਦੀਆ, ਨਿਖਿਲ ਮਹਿਰਾ ਅਤੇ ਸਨੀ ਦੂਆ ਵੱਲੋਂ ਮੰਗਲਾਚਰਨ, ਗੁਰੂ ਵੰਦਨਾ ਅਤੇ ਵੈਸ਼ਨਵ ਵੰਦਨਾ ਨਾਲ ਕੀਤਾ ਗਿਆ। ਇਸ ਉਪਰੰਤ ਤਾਪਸ ਪ੍ਰਭੂ ਨੇ ‘ਰਾਧੇ ਸ਼ਿਆਮ ਭਜੋ, ਸ੍ਰੀ ਕ੍ਰਿਸ਼ਨ ਭਜੋ, ਮਨ ਮੇਰੇ, ਕੱਟ ਜਾਣਗੇ ਸੰਕਟ ਤੇਰੇ’ ਦਾ ਸੰਕੀਰਤਨ ਕਰਕੇ ਭਗਤਾਂ ਨੂੰ ਭਗਤੀ ਰਸ ਵਿੱਚ ਲੀਨ ਕਰ ਦਿੱਤਾ।

ਸੰਕੀਰਤਨ ਨੂੰ ਅੱਗੇ ਵਧਾਉਂਦਿਆਂ ਗੋਬਿੰਦ ਸ਼ਰਮਾ ਨੇ ‘ਕ੍ਰਿਪਾਮਈ, ਕਰੁਣਾਮਈ, ਸ੍ਰੀ ਦਇਆਮਈ ਰਾਧੇ’, ਗੌਰਕਸ਼ ਦੂਆ ਨੇ ‘ਗੋਬਿੰਦ ਜੈ ਜੈ, ਗੋਪਾਲ ਜੈ ਜੈ’, ਯਾਂਕਿਲ ਕੋਹਲੀ ਨੇ ‘ਜੈ ਜੈ ਰਾਧਾ ਰਮਣ, ਹਰਿ ਬੋਲ’, ਆਦਿੱਤਿਆ ਮੱਗੋ ਨੇ ‘ਸ੍ਰੀ ਰਾਧਾ ਜੀ ਤਾਂ ਮੇਰੀ ਹੈ, ਮੇਰੀ ਹੈ, ਮੇਰੋ ਹੈ ਬਰਸਾਨਾ’, ਆਕਾਸ਼ ਮਲਹੋਤਰਾ ਨੇ ‘ਰਾਧੇ ਰਾਧੇ ਜਪੋ, ਚਲੇ ਆਉਣਗੇ ਬਿਹਾਰੀ’ ਅਤੇ ਸਨੀ ਦੂਆ ਨੇ ‘ਮੈਨੂੰ ਲਿਆ ਦੋ, ਮੈਨੂੰ ਲਿਆ ਦੋ, ਭਜਨ ਵਾਲੀ ਉਹ ਮਾਲਾ’ ਦਾ ਸੰਕੀਰਤਨ ਕੀਤਾ।

ਇਸੇ ਦੌਰਾਨ ਵਿਸ਼ਾਲ ਢੱਲ ਵੱਲੋਂ ‘ਨਾਰਾਇਣ ਦੀਨ ਦਇਆਲ’ ਅਤੇ ‘ਜੈ ਜਗਦੀਸ਼ ਹਰੇ’ ਦੇ ਸੰਕੀਰਤਨ ਨਾਲ ਸੰਗਤ ਨੂੰ ਨੱਚਣ ਅਤੇ ਝੂਮਣ ਲਈ ਮਜਬੂਰ ਕਰ ਦਿੱਤਾ। ਹਰ ਪਾਸੇ ਪ੍ਰਭੂ ਪ੍ਰੇਮੀ ਹਰਿਨਾਮ ਦੀ ਧੁਨ ’ਤੇ ਨੱਚਦੇ ਹੋਏ ਭਗਤੀ ਦਾ ਆਨੰਦ ਮਾਣ ਰਹੇ ਸਨ।

ਪ੍ਰਭਾਤਫੇਰੀ ਚੱਢਾ ਨਿਵਾਸ ਤੋਂ ਆਰੰਭ ਹੋ ਕੇ ਜਤਿੰਦਰ ਅਰੋੜਾ, ਰਜਨੀ ਅਰੋੜਾ, ਮੋਨਿਕਾ ਬਠਲਾ, ਨੀਤੀ ਗੁਪਤਾ, ਸੁਜਾਤਾ, ਵੰਦਨਾ ਭਾਟੀਆ, ਸਹਜਨਿਤ ਅਰੋੜਾ, ਰਾਹੁਲ ਟਾਂਗਰੀ, ਅਰਜੁਨ ਟਾਂਗਰੀ, ਦਿਆ ਅਰੋੜਾ, ਜੋਤੀ, ਤਨੂ ਗੁਪਤਾ ਅਤੇ ਕੋਨਿਕਾ ਦੇ ਨਿਵਾਸ ਸਥਾਨਾਂ ’ਤੇ ਪਹੁੰਚੀ। ਇਨ੍ਹਾਂ ਸਾਰੇ ਸਥਾਨਾਂ ’ਤੇ ਸ਼ਰਧਾਲੂਆਂ ਵੱਲੋਂ ਠਾਕੁਰ ਜੀ ਦੀ ਆਰਤੀ ਉਤਾਰ ਕੇ ਅਤੇ ਫੁੱਲਾਂ ਦੀ ਭਰਪੂਰ ਵਰਖਾ ਕਰਕੇ ਪ੍ਰਭਾਤਫੇਰੀ ਦਾ ਸ਼ਰਧਾਪੂਰਵਕ ਸਵਾਗਤ ਕੀਤਾ ਗਿਆ।

ਇਸ ਮੌਕੇ ਪੂਰਾ ਇਲਾਕਾ ਹਰਿਨਾਮ ਸੰਕੀਰਤਨ ਦੇ ਰਸ ਵਿੱਚ ਭਾਵ-ਵਿਭੋਰ ਹੋ ਕੇ ਵਰਿੰਦਾਵਨ ਦੇ ਅਨੰਦ ਦਾ ਅਨੁਭਵ ਕਰ ਰਿਹਾ ਸੀ। ਠਾਕੁਰ ਜੀ ਦੀ ਪਾਲਕੀ ਦੀ ਸੇਵਾ ਵਾਸੂ ਨਾਗਪਾਲ ਅਤੇ ਨਿਖਿਲ ਮਹਿਰਾ ਵੱਲੋਂ ਨਿਭਾਈ ਗਈ।

ਦੀਪਕ ਸ਼ਰਮਾ ਨੇ ਪ੍ਰਭਾਤਫੇਰੀ ਦੌਰਾਨ ਸ੍ਰੀ ਚੈਤਨਯ ਭਗਵਾਨ ਦਾ ਸਿਮਰਨ ਕਰਦਿਆਂ ਸੰਗਤ ਨੂੰ ਮਹਾਪ੍ਰਭੂ ਦੀਆਂ ਸਿੱਖਿਆਵਾਂ ’ਤੇ ਚੱਲਣ ਅਤੇ ਹਰ ਸਮੇਂ ਹਰੇ ਕ੍ਰਿਸ਼ਨ ਮਹਾਮੰਤਰ ਦਾ ਜਾਪ ਕਰਨ ਦੀ ਪ੍ਰੇਰਣਾ ਦਿੱਤੀ। ਇਸ ਪਾਵਨ ਮੌਕੇ ਕਈ ਸ਼ਰਧਾਲੂਆਂ ਵੱਲੋਂ ਰੰਗ-ਬਿਰੰਗੇ ਆਤਿਸ਼ਬਾਜ਼ੀ ਦੇ ਪਟਾਕਿਆਂ ਰਾਹੀਂ ਵੀ ਭਗਵਾਨ ਪ੍ਰਤੀ ਆਪਣੀ ਸ਼ਰਧਾ ਪ੍ਰਗਟਾਈ ਗਈ।

ਕਾਰਤਿਕ ਮਹੀਨੇ ਦੀ ਇਸ ਪਾਵਨ ਪ੍ਰਭਾਤਫੇਰੀ ਵਿੱਚ ਸਮੀਰ ਕੱਕੜ, ਨਿਤਾਈ, ਸਾਗਰ, ਮਯੰਕ, ਅਜੈ, ਲੱਕੀ, ਰਾਘਵ, ਰਾਕੇਸ਼ ਮੱਗੋ, ਰਮਨ ਸ਼ਰਮਾ, ਓਮ ਭੰਡਾਰੀ, ਜਤਿੰਦਰ ਅਰੋੜਾ, ਸ਼ੁਭਮ, ਵਿਕਾਸ ਕਪੂਰ, ਦੀਪਕ ਸ਼ਰਮਾ, ਬੌਬੀ ਮਹਿਤਾ, ਆਸ਼ਾ, ਬਿੰਦੂ, ਸੰਦੀਸ਼, ਮਮਤਾ, ਅੰਜੂ, ਨਿਸ਼ੀ, ਮਨਜੀਤ ਕੌਰ, ਪੂਜਾ, ਭੁਵਨ, ਅੰਮ੍ਰਿਤ, ਸਿਮਰਨ ਕੌਰ, ਸੁਖਬੀਰ ਕੌਰ, ਬਬਲੀ ਸ਼ਰਮਾ, ਆਂਚਲ, ਕਿਸ਼ੋਰੀ ਅਤੇ ਜੈ ਪ੍ਰਦਾ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਨੇ ਸ਼ਮੂਲੀਅਤ ਕਰਕੇ ਪ੍ਰਭੂ ਦਾ ਸਿਮਰਨ ਕੀਤਾ ਅਤੇ ਸਮੁੱਚੇ ਇਲਾਕੇ ਨੂੰ ਭਗਤੀਮਈ ਬਣਾਇਆ।