Skip to content
ਜਲੰਧਰ (ਅਰਸ਼ਦੀਪ ਸਿੰਘ ਕਾਲੜਾ) :- ਪਰਮ ਸੰਤ ਪਰਮ ਪੂਜਨੀਯ ਬਾਬਾ ਜੈ ਗੁਰਦੇਵ ਜੀ ਮਹਾਰਾਜ ਦੇ ਆਧਿਆਤਮਿਕ ਉੱਤਰਾਧਿਕਾਰੀ ਬਾਬਾ ਉਮਾਕਾਂਤ ਜੀ ਮਹਾਰਾਜ ਦਾ ਵਿਸ਼ਾਲ ਸਤਸੰਗ ਅਤੇ ਨਾਮਦਾਨ ਸਮਾਗਮ 18 ਜੂਨ 2026 ਨੂੰ ਜਲੰਧਰ ਦੇ ਕਰਤਾਰਪੁਰ ਸਥਿਤ ਵ੍ਹਾਈਟ ਸਪਾਟ ਰਿਜ਼ੋਰਟਸ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। ਸਮਾਗਮ ਸਵੇਰੇ 10 ਵਜੇ ਸ਼ੁਰੂ ਹੋਵੇਗਾ।
ਬਾਬਾ ਜੈ ਗੁਰਦੇਵ ਸੰਗਤ ਪੰਜਾਬ ਦੇ ਪ੍ਰਧਾਨ ਦੀਨਾਨਾਥ ਜਾਇਸਵਾਲ ਅਤੇ ਵਿਨੋਦ ਜਾਇਸਵਾਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਾਬਾ ਉਮਾਕਾਂਤ ਜੀ ਮਹਾਰਾਜ ਆਪਣੇ ਕਾਫਲੇ ਸਮੇਤ ਉੱਜੈਨ ਆਸ਼ਰਮ ਤੋਂ ਰਵਾਨਾ ਹੋ ਕੇ ਹਿਮਾਚਲ ਪ੍ਰਦੇਸ਼, ਜੰਮੂ-ਕਸ਼ਮੀਰ ਅਤੇ ਹੋਰ ਕਈ ਇਲਾਕਿਆਂ ਦਾ ਦੌਰਾ ਕਰਦੇ ਹੋਏ ਪੰਜਾਬ ਪਹੁੰਚ ਰਹੇ ਹਨ। ਇਸ ਦੌਰਾਨ ਉਹ ਸ਼ਰਧਾਲੂਆਂ ਨੂੰ ਆਧਿਆਤਮਿਕ ਮਾਰਗਦਰਸ਼ਨ ਪ੍ਰਦਾਨ ਕਰਨਗੇ।
ਵਿਨੋਦ ਜਾਇਸਵਾਲ ਅਨੁਸਾਰ, ਇਸ ਸਤਸੰਗ ਸਮਾਗਮ ਵਿੱਚ ਬਾਬਾ ਜੀ ਆਪਣੇ ਪ੍ਰਵਚਨਾਂ ਰਾਹੀਂ ਪ੍ਰੇਮ, ਭਗਤੀ ਅਤੇ ਮਨੁੱਖੀ ਜੀਵਨ ਦੇ ਕਲਿਆਣ ਦਾ ਸੰਦੇਸ਼ ਦੇਣਗੇ। ਇਸ ਦੇ ਨਾਲ ਹੀ ਉਹ ਹਾਜ਼ਰ ਸ਼ਰਧਾਲੂਆਂ ਨੂੰ ਪ੍ਰਭੂ ਪ੍ਰਾਪਤੀ ਦਾ ਭੇਦ (ਨਾਮਦਾਨ) ਵੀ ਬਖ਼ਸ਼ਣਗੇ।
ਦੀਨਾਨਾਥ ਜਾਇਸਵਾਲ ਅਤੇ ਵਿਨੋਦ ਜਾਇਸਵਾਲ ਨੇ ਵੱਧ ਤੋਂ ਵੱਧ ਗਿਣਤੀ ਵਿੱਚ ਸਤਸੰਗੀ ਭੈਣ-ਭਰਾਵਾਂ ਨੂੰ ਸਮਾਗਮ ਵਿੱਚ ਸ਼ਾਮਲ ਹੋ ਕੇ ਸਤਸੰਗ ਦਾ ਲਾਭ ਲੈਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਸਮਾਗਮ ਆਧਿਆਤਮਿਕ ਜਾਗਰੂਕਤਾ ਅਤੇ ਆਤਮਿਕ ਉੱਨਤੀ ਦੀ ਇੱਛਾ ਰੱਖਣ ਵਾਲੇ ਲੋਕਾਂ ਲਈ ਇੱਕ ਵਿਸ਼ੇਸ਼ ਮੌਕਾ ਸਾਬਤ ਹੋਵੇਗਾ।
Related
