ਇੱਕ ਸੀਨੀਅਰ ਅਧਿਕਾਰੀ ਨੇ ਆਪਣਾ ਨਾਂ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਕਿਹਾ, “ਪਹਿਲੇ ਆਤਮਘਾਤੀ ਹਮਲਾਵਰ ਨੇ ਕਾਂਸਟੇਬੁਲਰੀ ਦੇ ਮੁੱਖ ਗੇਟ ‘ਤੇ ਹਮਲਾ ਕੀਤਾ, ਅਤੇ ਦੂਜਾ ਅਹਾਤੇ ਵਿੱਚ ਦਾਖਲ ਹੋ ਗਿਆ।”ਫੌਜ ਅਤੇ ਪੁਲਿਸ ਸਮੇਤ ਲਾ ਇਨਫੋਰਸਮੈਂਟ ਅਧਿਕਾਰੀਆਂ ਨੇ ਇਲਾਕੇ ਨੂੰ ਘੇਰ ਲਿਆ ਹੈ ਅਤੇ ਸਥਿਤੀ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ, ਕਿਉਂਕਿ ਇਹ ਸ਼ੱਕ ਹੈ ਕਿ ਕੁਝ ਅੱਤਵਾਦੀ ਅਜੇ ਵੀ ਹੈੱਡਕੁਆਰਟਰ ਦੇ ਅੰਦਰ ਹਨ।ਅਰਧ ਸੈਨਿਕ ਬਲ ਦਾ ਹੈੱਡਕੁਆਰਟਰ ਭੀੜ-ਭੜੱਕੇ ਵਾਲੇ ਖੇਤਰ ਵਿੱਚ ਸਥਿਤ ਹੈ। ਇਲਾਕੇ ਦੇ ਇੱਕ ਨਿਵਾਸੀ ਸਫਦਰ ਖਾਨ ਨੇ ਰਾਇਟਰਜ਼ ਨੂੰ ਦੱਸਿਆ, “ਫੌਜ, ਪੁਲਿਸ ਅਤੇ ਸੁਰੱਖਿਆ ਨੇ ਆਵਾਜਾਈ ਲਈ ਸੜਕ ਬੰਦ ਕਰ ਦਿੱਤੀ ਹੈ ਅਤੇ ਇਸਨੂੰ ਘੇਰ ਲਿਆ ਹੈ।”
